ଭୁବନେଶ୍ବର: ପୌର ନିର୍ବାଚନ ପାଇଁ ଆଜି ଶେଷ ହୋଇଛି ନାମାଙ୍କନ ଦାଖଲ ପ୍ରକ୍ରିୟା । ପୌର ଲଢେଇ ପାଇଁ ସବୁ ରାଜନୈତିକ ଦଳ ମୈଦାନରେ ଲଢେଇ ଆରମ୍ଭ କରିଦେଇଛନ୍ତି ।
କଂଗ୍ରେସ ପାଖରେ ଅସ୍ତ୍ର ନାହିଁ, ଲଢିବୁ କମେତି: ପଞ୍ଚାନନ କାନୁନଗୋ
ଠିକ ଏତିକି ବେଳେ ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ ବଡ ମନ୍ତବ୍ୟ ଦେଇଛନ୍ତି । ପଞ୍ଚାନନ କହିଛନ୍ତି ନିର୍ବାଚନ ପାଇଁ କଂଗ୍ରେସକର୍ମୀଙ୍କ ମନବଳ ଦୃଢ ରହିଛି । କିନ୍ତୁ ନେତା କର୍ମୀଙ୍କ ପାଖରେ ଅସ୍ତ୍ର ନାହିଁ । ପୌର ନିର୍ବାଚନରେ ଦଳ ଭଲ ପ୍ରାର୍ଥୀ ଦେଇଛି । ପଞ୍ଚାୟତ ନିର୍ବାଚନର ଫଳାଫଳ ପୌର ନିର୍ବାଚନରେ ପଡିବ କି ନାହିଁ କହିବା ଅସମ୍ଭବ । କିନ୍ତୁ କଂଗ୍ରେସ ଭଲ ପ୍ରାର୍ଥୀ ଦେଇଛି ।
କିନ୍ତୁ କଂଗ୍ରେସ ନେତା କର୍ମୀଙ୍କ ପାଖରେ ସଂଶାଧନ ନାହିଁ କି ସମ୍ବଳ ନାହିଁ । ଯାହା ଫଳରେ କଂଗ୍ରେସ କର୍ମୀଙ୍କ ମନବଳ ଦୃଢ ଥିଲେ ମଧ୍ୟ ଭୋଟରେ ରୂପାନ୍ତରିତ ହୋଇପାରୁ ନାହିଁ । କଂଗ୍ରେସ ପାଖରେ ମନୋବଳ ଅଛି । ପ୍ରାର୍ଥୀ ଅଛନ୍ତି । ହେଲେ ଅସ୍ତ୍ର ନାହିଁ ବୋଲି କହିଛନ୍ତି ପଞ୍ଚାନନ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
