ଭୁବନେଶ୍ବର: ଆଜି(ରବିବାର) କଂଗ୍ରେସ ଏସି ବିଭାଗର କାର୍ଯ୍ୟକାରୀ ବୈଠକ ବସିଛି । ରାଜ୍ୟର ସମସ୍ତ ଜିଲ୍ଲା ଓ ବ୍ଲକ ସ୍ତରରେ ଅନୁସୂଚିତ ଜାତିକୁ ମଜଭୁତ କରିବା ଓ ତୃଣମୂଳ ସ୍ତରରେ କଂଗ୍ରେସକୁ ମଜବୁତ କରିବା ପାଇଁ ଏହି ବୈଠକରେ ଆଲୋଚନା ହୋଇଛି । ତେବେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନେତୃତ୍ବରେ ଏହି ବୈଠକ ବସିଥିଲା ।
ରାଜ୍ୟର ପ୍ରତି ଜିଲ୍ଲା ଓ ବ୍ଲକ ସ୍ତରରେ ଏସି ସଂଗଠନକୁ ମଜବୁତ କରିବା ପାଇଁ ଏହି ବୈଠକ ବସିଥିବା ପିସିସି ସଭାପତି କହିଛନ୍ତି । ଅନ୍ୟପଟେ ଏହି ଏସି ବୈଠକରେ ଅଂଶଗ୍ରହଣ କରିଥିବା କଂଗ୍ରେସ ନେତା କହିଛନ୍ତି ଯେ ସାରା ଦେଶରେ ରାଜ୍ୟରେ ଯେଉଁଭଳି ଭାବରେ ଦଳିତ ଆଦିବାସୀମାନଙ୍କ କେନ୍ଦ୍ର ଓ ରାଜ୍ୟ ସରକାର ସୁରକ୍ଷାର ବଞ୍ଚିତ କରିଛନ୍ତି ଏହା ଏକ ନିନ୍ଦନୀୟ ଘଟଣା ।
ଏସି କମିଶନ ନଥିବାରୁ କୌଣସି ଦଳିତ ଲୋକ ନ୍ୟାୟ ପାଇଁ ହଇରାଣ ହେଉଛନ୍ତି । ତେବେ ରାଜ୍ୟରେ ତୁରନ୍ତ ଏସି କମିଶନ ଗଠନ ପାଇଁ ଦଳ ଦାବି କରିଛି । ଦଳିତ ମହିଳାଙ୍କ ସୁରକ୍ଷା ପାଇଁ ସରକାର କାର୍ଯ୍ୟ କରନ୍ତୁ । ନଚେତ ଆଗାମୀ ଦିନରେ ଘୋର ବିରୋଧ କରାଯିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
