ସୁନ୍ଦରଗଡ: ଜିଲ୍ଲା କଂଗ୍ରେସ କମିଟି ସଭାପତି ବେଣୁ ମାଧବ ତ୍ରିପାଠୀଙ୍କ ନେତୃତ୍ବରେ ୩ଟି କୃଷି ଆଇନ ପ୍ରତ୍ୟାହାର ଖୁସିରେ ପାଳିଲେ ବିଜୟ ଉତ୍ସବ । ପ୍ରାୟ ଦଶ ମାସ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚାଷୀମାନଙ୍କ ଆଗରେ ମୁଣ୍ଡ ନୁଆଇଁ ଓ ଦେଶବାସୀଙ୍କୁ ଭୁଲ ମାଗି କେବଳ ମୁହଁରେ ପ୍ରତ୍ୟାହାର କଲେ ବୋଲି କହିଛନ୍ତି ।
ପ୍ରଧାନମନ୍ତ୍ରୀ ପାର୍ଲିଆମେଣ୍ଟରେ ଲିଖିତ ଭାବେ ଜଣାଇବା ପରେ କୃଷକ ମାନେ ସମ୍ପୂର୍ଣ୍ଣ ଭାବେ ଆନ୍ଦୋଳନରୁ ଓହରିବେ ବୋଲି କୃଷକ ନେତାମାନେ କହିଛନ୍ତି । ଏହି ଅବସରରେ ଦଳର କର୍ମୀମାନେ ସ୍ଥାନୀୟ ଡିଆରଡିଏ ଛକରୁ ଏକ କ୍ୟାଣ୍ଡେଲ ରାଲିରେ ଏନକେକେ ଛକ ପର୍ଯ୍ୟନ୍ତ ଯାଇ ପୁଣି ଡିଆରଡିଏ ଛକକୁ ଫେରି ଆନ୍ଦୋଳନରେ ଶହୀଦ ହୋଇଥିବା ବ୍ୟକ୍ତିଙ୍କ ଉଦ୍ଦେଶ୍ୟରେ ନୀରବ ପ୍ରାର୍ଥନା କରିଥିଲେ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
