ଭୁବନେଶ୍ବର: ସ୍ମାର୍ଟସିଟିର ରାଜ ରାସ୍ତାକୁ ଘେରିଲେ ହଜାର ହଜାର କମ୍ପ୍ୟୁଟର ସଂଯୋଜକ । କିଛି ମାସ ପୂର୍ବରୁ ଧାରଣରେ ବସି ଥିବା ଏହି କମ୍ପ୍ୟୁଟର ଶିକ୍ଷକମାନଙ୍କୁ ରାଜ୍ୟ ସରକାର ଚାକିରୀରୁ ଛଟେଇ କରି ଥିଲେ। ଯାହା ଫଳରେ ହଜାର ହଜାର କମ୍ପ୍ୟୁଟର ଶିକ୍ଷକ ନିଜର ଚାକିରୀ ଚାଲିଯିବାରୁ ଏବେ ବେସାହାରା ହୋଇ ବସିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସରକାର ଏକ ଛଳନା କରି ଏଭଳି କାମ କରିଥିବାର ଅଭିଯୋଗ ଆଣି ଆଜି ରାଜରାସ୍ତାରେ ଗର୍ଜନ କରିଥିଲେ କମ୍ପ୍ୟୁଟର ଶିକ୍ଷକ । ରାଜ୍ୟ ସରକାର ଯଥାଶୀଘ୍ର ସମସ୍ତ 4 ହଜାର ଛଟେଇ ଶିକ୍ଷକ ଶିକ୍ଷୟତ୍ରୀଙ୍କୁ ଚାକିରୀରେ ପୁନଃ ନିଯୁକ୍ତି ଦେବା ସହ ଠିକା ସଂସ୍ଥାକୁ ନ ଦେଇ ସରକାରୀ ମାନ୍ୟତା ଦିଅନ୍ତୁ ବୋଲି ଶିକ୍ଷକ ଶିକ୍ଷୟତ୍ରୀ ଦାବି ଜଣାଇଥିଲେ ।
ବର୍ତ୍ତମାନର ଯେଉଁ କମ୍ପ୍ୟୁଟର ସଂଯୋଜକ ପଦବୀ ରହିଛି ତାକୁ କମ୍ପ୍ୟୁଟର ଶିକ୍ଷକରେ ପରିଣତ କରାଯାଉ ବୋଲି ଆଜି ସଙ୍ଘ ରାଜରାସ୍ତାରେ ଦାବି ରଖିଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
