ଭୁବନେଶ୍ବର: ପୁଅ ପରେ ପଡିପାରେ ବାପାର ପାଳି । ସ୍କାଏକିଙ୍ଗ 65 ଲକ୍ଷ ଠକେଇ ମାମଲାରେ ରିମାଣ୍ଡରେ ଯାଇପାରନ୍ତି ଆଇଏଫଏସ ଅଭୟ ପାଠକ । ଏନେଇ ଏସଡ଼ିଜେଏମ୍ କୋର୍ଟରେ ଦୁଇ ଦିନିଆ ରିମାଣ୍ଡ ପାଇଁ କମିସନରେଟ ପୋଲିସ ଆବେଦନ କରିଛି ।
ପୁଅ ଆକାଶ ପାଠକଙ୍କୁ 4 ଦିନିଆ ରିମାଣ୍ଡରେ ନେଇ ପୋଲିସ ପଚରାଉଚରା କରିଥିଲା । ତେବେ ରିମାଣ୍ଡ ସରିବା ପରେ କୋର୍ଟ ପୁଣି ଆକାଶଙ୍କୁ ଜେଲ୍କୁ ପଠାଇଛନ୍ତି । ଜେରା ବେଳେ ଆକାଶ ନିକଟରୁ ବହୁ ଗୁରୁତ୍ବପୂର୍ଣ୍ଣ ତଥ୍ୟ ହାସଲ ହୋଇଥିବା ନେଇ ପୋଲିସ କହିଛି ।
ତେବେ ଏହି ଠକେଇ ମାମଲାରେ ଅଭୟଙ୍କଠାରୁ ଅନ୍ୟାନ୍ୟ ତଥ୍ୟ ହାସଲ କରିବା ପାଇଁ କମିଶନରେଟ ପୋଲିସ ଅଭୟଙ୍କୁ ରିମାଣ୍ଡରେ ନେଇ ପଚରା ଉଚରା କରିବାକୁ ନିଷ୍ପତ୍ତି ନେଇଛି । ଏଥିଲାଗି କମିଶନରେଟ ପୋଲିସ ଏସଡ଼ିଜେଏମ୍ କୋର୍ଟରେ ଦୁଇ ଦିନିଆ ରିମାଣ୍ଡ ପାଇଁ ଆବେଦନ କରିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
