ଭୁବନେଶ୍ବର: ନିଆରା ଢଙ୍ଗରେ ନୂଆବର୍ଷ ପାଳନ। ଡ୍ୟୁଟିରେ ଥାଇ ବି ନୂଆବର୍ଷକୁ ସ୍ବାଗତ କରିଛନ୍ତି କମିଶନରେଟ ପୋଲିସ । କାରଣ ତଳ କର୍ମଚାରୀଙ୍କ ଠୁ ଆରମ୍ଭ କରି ଉପରିସ୍ଥ କର୍ମଚାରୀଙ୍କ ପାଖରେ ପହଞ୍ଚିଥିଲେ ପୋଲିସ କମିଶନର । କାଲୁଆ ଶୀତରେ ଅନ୍ଧକାର ରାତିରେ ଡ୍ୟୁଟି କରୁଥିବା କର୍ମଚାରୀଙ୍କ ପାଖରେ ପହଞ୍ଚିଥିଲେ କମିଶନର ସୁଧାଂଶୁ ଷଡଙ୍ଗୀ।
ହୋଟେଲ ବାହାରେ, ଟ୍ରାଫିକ ଛକରେ, ରାସ୍ତା କଡରେ ସହରବାସୀଙ୍କୁ ସୁରକ୍ଷା ଦେଉଥିବା କମିଶନରେଟ ପୋଲିସଙ୍କୁ ଉତ୍ସାହିତ ପାଇଁ ପ୍ରୟାସ ଆରମ୍ଭ କରିଥିଲେ ସିପି । ହାତକୁ ଚା’ କପ ବଢେଇ ଡ୍ୟୁଟିରେ ଥିବା ପୋଲିସ କର୍ମଚାରୀଙ୍କ ସହ ନୂଆବର୍ଷକୁ ସ୍ବାଗତ କରିଥିଲେ କମିଶନରେଟ ପୋଲିସ।
ପରିବାର ଠୁ ଦୂରରେ ଉତ୍ସବ ଠୁ ଦୂରରେ ରହି ସହରବାସୀଙ୍କୁ ସୁରକ୍ଷା ଦେବାକୁ ଯାଇ ସବୁକିଛି ଭୁଲିଥିବା ଏହି ପୋଲିସ କର୍ମଚାରୀଙ୍କ ମନରେ ଟିକେ ଖୁସି ଓ ଏନକରେଜ ପାଇଁ ଏପରି ପ୍ରୟାସ କରିଥିଲେ କମିଶନର ସୁଧାଶୁଂ ଷଡଙ୍ଗୀ। ଯାହା କମିଶନରେଟ ପୋଲିସର ସମସ୍ତ କର୍ମଚାରୀଙ୍କୁ ବେଶ ଉତ୍ସାହ ଯୋଗାଇଥିଲା।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
