ଭୁବନେଶ୍ବର: କମିଶନରେଟ ପୋଲିସ ହାତରେ ଗିଫ୍ଟ ଚୋର । ଖୋର୍ଦ୍ଧା କେରଙ୍ଗର ଶେଖ ଅବଦୁଲ ଲତିଫକୁ ଗିରଫ କରିଛି କମିସନରେଟ ପୋଲିସ । ତା ଠାରୁ ୩ ଲକ୍ଷ ୯୮ ହଜାର ଟଙ୍କାର ସୁନା ଗହଣା ସହ ୪ଲକ୍ଷ ନଗଦ ଟଙ୍କା ଜବତ କରାଯାଇଛି ।
ତେବେ ଶେଖ ଅବଦୁଲ ନାଁରେ ରହିଛି ଖଣ୍ଡଗିରି ଓ ଖାରବେଳ ନଗର ଥାନାରେ ରହିଛି ଅପରାଧିକ ମାମଲା । ଗତ ୨୦୧୯ ମେ ୨୮ ତାରିଖ କ୍ଲାସିକ କଣ୍ଟିନେଣ୍ଟାଲରେ ପ୍ରଣୟ ରଞ୍ଜନ ବଳିଆର ସିଂଙ୍କ ବାହାଘରରେ ଚୋରି କରିଥିଲ ଏହି ଅଭିଯୁକ୍ତ । ସେହିପରି ଗତ ନଭେମ୍ବର ୨୨ କୋଳଥିଆ ‘ଶ୍ରୀ ସାଇ ଗାର୍ଡେନ’ରେ ସୁରେନ୍ଦ୍ର ସାହୁଙ୍କ ଝିଅ ବାହାଘରୁ ଅନୁରୁପ ଢଙ୍ଗରେ କରିଥିଲା ଚୋରି । ତେବେ ଡିସେମ୍ବର ୨୩ ଖାବେଳନଗର ଓଏସ ଆସୋସିଏସନ ବିକ୍ରାନ୍ତ ବେରିହାଙ୍କ ବାହାଘରରୁ ସମାନ ଢଙ୍ଗରେ ଚୋରି କରିଥିଲା । କେତେବେଳେ ଲୋକଙ୍କ ସହ ମିଶିଯାଇ ସମ୍ପର୍କୀୟଙ୍କ ପରି ନାଟକ କରୁଥିଲା । ତ ପୁଣି କେତେବେଳେ ସରବତ ଓ ସୁପ୍ ଭଳି କୋଲଡ୍ରିଙ୍କସ ଯାଚୁଥିଲା । ଆଉ ନଜର ଆଢୁଆଳରେ ମୂଲ୍ୟବାନ ଜିନିଷ ଦେଖି ଲୁଟୁଥିଲା । ତେବେ ଶେଷରେ କମିଶନରେଟ ପୋଲିସ ପଞ୍ଝାରେ ଧରାପଡିଛି ଏହି ଲୁଟେରା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
