ଭୁବନେଶ୍ବର: କମିଶନରେଟ ପୋଲିସର ସ୍ପେଶାଲ ଡ୍ରାଇଭ୍ । ରାଜଧାନୀରେ ବଡ଼ ଧରଣର ଚଢ଼ାଉ । ଏକକାଳୀନ 3ଟି ଟିମର ଚଢ଼ାଉ ଜାରି ରହିଛି । ମୋଡିଫାଏଡ ସାଇଲେନ୍ସର ବିକ୍ରି ହେଉଥିବା ସ୍ଥାନରେ ପୋଲିସ ଚଢ଼ାଉ କରିଛି । ଭୁବନେଶ୍ୱର ସାଉଥ୍ ,ନର୍ଥ ସହ ଇଷ୍ଟ , ଖଣ୍ଡଗିରି ଓ ଚନ୍ଦ୍ରଶେଖର ସହ କଳ୍ପନାରେ ମଧ୍ୟ ଚଢ଼ାଉ କରିଛି କମିଶନରେଟ ପୋଲିସ । ବିଭିନ୍ନ ଥାନାର ଏସଆଇଙ୍କୁ ନେଇ ସ୍ବତନ୍ତ୍ର ଟିମ୍ ସହ ବିଭିନ୍ନ ଗାଡି ପାର୍କିଂ ସୋରୁମରେ ଚଢ଼ାଉ ହେଉଛି । ଏହି ଚଢାଉ ଏକ ହଜାର ମୋଡିଫାଏଡ ସାଇଲେନ୍ସର ଜବତ କରାଯାଇଛି ।
ଏହି ସାଇଲେନ୍ସର ବାଇକରେ ବ୍ୟବହାର କରି କିଛି ଲୋକେ ରାଜନୈତିକ ପାର୍ଟିର ରାଲିରେ ବୁଲୁଥିବାର ଦେଖିବାକୁ ମିଳିଥିଲା । ଯାହାକୁ ନେଇ ଏକ ସ୍ପେଶାଲ ଡ୍ରାଇଭ୍ ଆରମ୍ଭ କରିଥିଲେ ଭୁବନେଶ୍ୱର ଡିସିପି । ଟ୍ରାଫିକ ଓ ଥାନା ପୋଲିସର ମିଳିତ ଭାବେ ଆଜି ଜୋରଦାର ଅପରେସନ ଆରମ୍ଭ ହୋଇଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
