ଭୁବନେଶ୍ବର : ପଞ୍ଚାୟତ ନିର୍ବାଚନ ନେଇ ସରଗରମ ରାଜନୀତି । ପଞ୍ଚାୟତରେ ପ୍ରାର୍ଥୀ ପ୍ରଚାର ଓ ସଭାକୁ ନେଇ ସରଗରମ ରହିଛି ମାହୋଲ। ରାଜଧାନୀରେ ନିର୍ବାଚନୀ ହିଂସା ରୋକିବାକୁ ପ୍ଲାନ କରିଛି କମିଶନରେଟ ପୋଲିସ ।
କାରଣ ବିଭିନ୍ନ ଥାନା ଅଧିନରେ ଆସୁଛି ୬୮ ପଞ୍ଚାୟତ । ଜୋନାଲ ଏସିପି ଓ ସ୍ଥାନୀୟ ଆଇଆଇସିଙ୍କୁ ଦିଆଯାଇଛି ଏନେଇ ଦାୟିତ୍ବ । ନିର୍ବାଚନ ବେଳେ ଅଭ୍ୟାସଗତ ଅପରାଧୀଙ୍କ ତାଲିକା ପ୍ରସ୍ତୁତ ହୋଇଛି ।
ଏପରିକି ଅନେକ ସ୍ଥଳରେ ୧୧୦ଦଫା ଲଗାଇ ଆଗୁଆ ଜେଲ ପଠାଉଛି ପୋଲିସ। ରାଜନୀତିକ ପାଣିପାଗ ବିଗାଡୁଥିବା ନିଶା ମାଫିଆ ଓ ନିଶା କାରବାର ଉପରେ ବି ଚଢାଉ ଜାରି ରହିଛି। ଏହାସହ ନିର୍ବାଚନୀ ହିଂସା ଓ ଅପ୍ରୀତିକର ପରିସ୍ଥିତି ଏଡାଇବାକୁ ପିସିଆର, ବସ୍ତିମିତ୍ର ଓ ପୋଲିସର ଫୋର୍ସକୁ ମଧ୍ୟ ସଜାଗ ରହିବାକୁ କୁହାଯାଇଛି ।
ଏହାବି ପଢନ୍ତୁ : Relaxation in Campaign: କଂଗ୍ରେସର ସ୍ବାଗତ, ନିରପେକ୍ଷ ନୀତି ଅବଲମ୍ବନ ପାଇଁ କଲା ଅନୁରୋଧ
ଅବାଧ ଓ ହିଂସାମୁକ୍ତ ନିର୍ବାଚନା ପରିଚାଳନା ପାଇଁ ବିଭିନ୍ନ ଷ୍ଟ୍ରାଟେଜି ଆପଣାଯାଇଛି । ଏସବୁ ଭିତରେ ନିର୍ବାଚନ କମିଶନ ପ୍ରଚାର କଟକଣା କୋହଳ କରିଛନ୍ତି । ଫଳରେ ସଭା ସମିତି ଆରମ୍ଭ ହେବ। ଏନେଇ ବିଗିଡିପାରେ ପରିସ୍ଥିତି । ମୁହାଁମୁହିଁ ହୋଇପାରନ୍ତି ଗୋଷ୍ଠୀ । ଏସବୁକୁ ଦୃଷ୍ଟିରେ ରଖି ଏଭଳି ପରିସ୍ଥିତି ଉପରେ ନଜର ପକାଇବାକୁ ଆଜି(ସୋମବାର) ବୈଠକରେ ନିଷ୍ପତ୍ତି ନିଆଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
