ଭୁବନେଶ୍ବର: ଓଲିଉଡ଼ ଅଭିନେତା ବାବୁଶାନ ଓ ପତ୍ନୀ ତୃପ୍ତି ଶତପଥୀଙ୍କ ବିବାହ ବିବାଦ । ପ୍ରକୃତି ମିଶ୍ର ଓ ବାବୁଶାନଙ୍କୁ ନୋଟିସ କରିଛି କମିଶନରେଟ ପୋଲିସ । ଥାନାରେ ହାଜର ହୋଇ ପକ୍ଷ ରଖିବାକୁ ଉଭୟଙ୍କୁ ନୋଟିସ୍ କରିଛି ପୋଲିସ । ଯେଉଁ ଗେଷ୍ଟ ହାଉସକୁ ନେଇ ଚର୍ଚ୍ଚା ହେଉଥିଲା ଖାରବେଳନଗର ପୋଲିସ ଉକ୍ତ ଗେଷ୍ଟହାଉସରେ ପହଞ୍ଚି ପଚରାଉଚରା କରିଛି । ସତ୍ୟନଗର ଅଞ୍ଚଳରେ ରହିଛି ଏହି ଗେଷ୍ଟ ହାଉସ୍ ।
ବାପା ମନ୍ମଥ ମିଶ୍ରଙ୍କ ଅଭିଯୋଗ ପରେ ତୃପ୍ତିଙ୍କ ପିତା ତଥା ବାବୁଶାନଙ୍କ ଶ୍ବଶୁର ଲଳିତ ଶତପଥୀଙ୍କୁ ନୋଟିସ କରିଥିଲା ପୋଲିସ । ଏହାପରେ ଲଳିତଙ୍କୁ ପଚରାଉଚରା କରିଛି ଖାରବେଳନଗର ଥାନା ପୋଲିସ । ଏ ନେଇ କମିଶନରେଟ ପୋଲିସ ପକ୍ଷରୁ ସୂଚନା ମିଳିଛି । ଏହି ଘଟଣାରେ ପୋଲିସ ୭ ଜଣଙ୍କ ବୟାନ ରେକର୍ଡ କରିଛି ।
ଏହା ବି ପଢନ୍ତୁ- ରାଜରାସ୍ତାରେ ହାଇଡ୍ରାମା ପରେ ବଡ ବୟାନ ଦେଲେ ବାବୁଶାନ
ଘଟଣାରେ ଦୁଇଟି ମାମଲାରେ ୭ ଜଣଙ୍କ ବୟାନ ରେକର୍ଡ ହୋଇଛି । ଅପରାଜିତା ମହାନ୍ତି, ତୃପ୍ତି ଶତପଥୀ, ଲଳିତ ଶତପଥୀ, ତୃପ୍ତିଙ୍କ ମାଉସୀ, ତୃପ୍ତିଙ୍କ ମଉସା ଅଶୋକ ପ୍ରହରାଜଙ୍କ ବୟାନ ରେକର୍ଡ ହୋଇଛି । ସେହିପରି ପ୍ରକୃତିଙ୍କ ମାଆ କୃଷ୍ଣପ୍ରିୟା ମିଶ୍ର ଓ ମନ୍ମଥ ମିଶ୍ରଙ୍କ ବୟାନ ମଧ୍ୟ ରେକର୍ଡ ହୋଇଛି ।
ଇଟିଭି ଭାରତ, ଭୁବନେଶ୍ବର
