ଭୁବନେଶ୍ବର: ଆଜି ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଗୁରୁତ୍ବପୂର୍ଣ୍ଣ ବୈଠକ ବସିବ । ଏହି ବୈଠକରେ ରାଜ୍ୟର ସମସ୍ତ ଜିଲ୍ଲାପାଳଙ୍କ ସହ ବରିଷ୍ଠ ଅଧିକାରୀମାନେ ଯୋଗ ଦେବେ । ଦୁଇଦିନ ଧରି ଚାଲିବାକୁ ଥିବା ଏହି ବୈଠକରେ 10ଟି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା ବୋଲି ସୂଚନା ମିଳିଛି । ସମସ୍ତ ବିଭାଗର ସଚିବମାନେ ଏହି ବୈଠକରେ ଉପସ୍ଥିତ ରହିବେ ।
ମୁଖ୍ୟତଃ ନୂତନ ଟେକ୍ନୋଲୋଜି, ଇମ୍ଫାଷ୍ଟ୍ରକ୍ଚର ଡେଭଲପମେଣ୍ଟ,ସ୍ଵାସ୍ଥ୍ୟ ସେବା, ସ୍କୁଲ ଶିକ୍ଷା, ଗୁଡ୍ ଗଭର୍ଣ୍ଣାସ ଓ ମହିଳା ସଶକ୍ତିକରଣ ଉପରେ ଆଲୋଚନା ହେବ । ଏହି ସହ ମୋ ସରକାର ଓ ୫ଟି କୁ କିଭଳି ଭାବରେ ଜିଲ୍ଲା ସ୍ତରରେ କାର୍ଯ୍ୟକାରୀ କରାଯାଇ ଏହାର ସଠିକ ପରିଚାଳନା କରାଯାଇପାରିବ ସେଦିଗରେ ମଧ୍ୟ ବିସ୍ତୃତ ଆଲୋଚନା ହେବ। ଲୋକସେବା ଭବନର ନୂଆ ଅଡିଟୋରିଅମରେ ଏହି ବୈଠକ ଅନୁଷ୍ଠିତ ହେଉଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
