ହାଇଦ୍ରାବାଦ: ବିଶ୍ବ ମହିଳା ଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଟ୍ବିଟ । ମହିଳାଙ୍କୁ ସଶକ୍ତ କରିବା ଦିଗରେ ବିକାଶମୂଳକ ପଦକ୍ଷେପଗୁଡିକ ମୂଳଦୂଆ ପାଲଟିଛି । ଏହା ସହ ବିଭିନ୍ନ କ୍ଷେତ୍ରରେ ମହିଳାଙ୍କ ଅଗ୍ରଗତି ପାଇଁ ସୁଯୋଗ ଦେବାକୁ ଉଦ୍ୟମ ଜାରି ରହିଛି ବୋଲି କହିଛନ୍ତି ନବୀନ ।
ଏହା ସହ ସେ ସିଏମଓ ଓଡିଶାରେ ମଧ୍ୟ ନବୀନ ଟ୍ବିଟ କରିଛନ୍ତି କହିଛନ୍ତି ଆଜିର ନାରୀ ଦୁର୍ବଳା ନୁହେଁ, ସେ ସବଳା। ‘ମୋ ବସ’ର ଗାଇଡ ଭାବେ ମହିଳା ଗୁରୁତ୍ବ ବୃଦ୍ଧି ହୋଇଛି । ମାମିତା ମହାନ୍ତିଙ୍କ ମଧ୍ୟରେ ଥିବା ଦୃଢ ଆତ୍ମବିଶ୍ଵାସ ତାଙ୍କୁ ଆଜି ସଫଳ କରିଛି। ତାଙ୍କ ପରି ଅସଂଖ୍ୟ ନାରୀମାନଙ୍କ ଶକ୍ତିକୁ ନେଇ #MoBus ଶକ୍ତିଶାଳୀ ହୋଇଛି ବୋଲି କହିଛନ୍ତି ନବୀନ ।
ପ୍ରତିବର୍ଷ ମାର୍ଚ୍ଚ 8 ତାରିଖକୁ ମହିଳାଙ୍କ ପ୍ରତି ସମ୍ମାନ, ସ୍ନେହ ଓ ଶ୍ରଦ୍ଧାର ନିଦର୍ଶନ ଉପଲକ୍ଷେ ଏହି ଦିବସ ପାଳନ କରାଯାଉଛି । ଏହା ସହ ମହିଳାଙ୍କ ଅର୍ଥନୈତିକ, ରାଜନୈତିକ ଏବଂ ସାମାଜିକ ଅଭିବୃଦ୍ଧିର ଉତ୍ସବ ଭାବରେ ଏହି ଦିନର ମହତ୍ବ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
