ଭୁବନେଶ୍ବର: ଛତିଶଗଡ଼ ରାୟପୁରଠାରେ ଶନିବାର ସକାଳେ ହୋଇଥିବା ମର୍ମନ୍ତୁଦ ସଡକ ଦୁର୍ଘଟଣାରେ ଗଞ୍ଜାମ ଜିଲ୍ଲାର 7 ଜଣଙ୍କ ମୃତ୍ୟୁ ହୋଇଛି। ଏହି ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଦୁଃଖ ପ୍ରକାଶ ଓ ଶୋକ ପ୍ରକାଶ କରିଛନ୍ତି। ଏଥିସହିତ ମୃତଙ୍କ ପରିବାରକୁ 2 ଲକ୍ଷ ଟଙ୍କାର ସହାୟତା ଘୋଷଣା କରିଛନ୍ତି। ଏଥିସହିତ ସମସ୍ତ ଆହତଙ୍କ ମାଗଣା ଚିକିତ୍ସା ପାଇଁ ନିର୍ଦ୍ଦେଶ ଦେଇଛନ୍ତି।
ମନ୍ତ୍ରୀ ସୁଶାନ୍ତ ସିଂଙ୍କୁ ଘଟଣାସ୍ଥଳକୁ ଯିବା ପାଇଁ କୁହାଯାଇଛି। ଏଥିସହିତ ଛତିଶଗଡ଼ ପୋଲିସ ଡିଜିଙ୍କ ସହିତ ସମନ୍ବୟ ରକ୍ଷା କରିବାକୁ ଓଡି଼ଶା ଡିଜିଙ୍କୁ କୁହାଯାଇଛି। ସୂଚନା ଯୋଗ୍ୟ ଯେ, ଗଞ୍ଜାମରୁ ଶ୍ରମିକଙ୍କୁ ନେଇ ଏକ ବସ ଗୁଜୁରାଟର ସୁରଟ ଅଭିମୁଖେ ଯାତ୍ରା କରୁଥିବା ସମୟରେ ବସଟି ରାୟପୁର ଚେରିଖେଡି ଠାରେ ଅନ୍ୟ ଏକ ବସ ସହ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ହିଁ 7 ଜଣ ଜୀବନ ହରାଇଥିବା ବେଳେ 7 ଜଣ ଆହତ ହୋଇଛନ୍ତି । ଏନେଇ ଛତିଶଗଡ ରାୟପୁର ଏସଏସପି ଅଜୟ ଯାଦବ ସୂଚନା ଦେଇଛନ୍ତି ।
ଭୁବେନଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
