ଭୁବନେଶ୍ବର: ବୁଧବାର 6 ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଟୀକାକରଣ, ଅକ୍ସିଜେନ ଯୋଗାଣ ଓ କୋଭିଡ଼ ମୁକାବିଲା ନେଇ କରିଛନ୍ତି ଆଲୋଚନା ।
ଟେଲିଫୋନ ଯୋଗେ 6 ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ କଥା ହୋଇଛନ୍ତି ନବୀନ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ଝାଡଖଣ୍ଡର ହେମନ୍ତ ସୋରେନ, ମହାରାଷ୍ଟ୍ରର ଉଦ୍ଧବ ଠାକରେଙ୍କ ସହ ଟିକାକରଣ ପ୍ରସଙ୍ଗରେ ନବୀନ ଆଲୋଚନା କରିଛନ୍ତି ।
ନବୀନ ପଟ୍ଟନାୟକ ଟ୍ବିଟ କରି କହିଛନ୍ତି ଯେ, କିଛି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ସରିଛି । ଯୁଦ୍ଧକାଳୀନ ଭିତ୍ତିରେ ସମସ୍ତ ରାଜ୍ୟ ଟୀକାକରଣକୁ ପ୍ରାଥମିକତା ଭାବରେ ଗ୍ରହଣ ନ କଲେ କୌଣସି ରାଜ୍ୟ ସୁରକ୍ଷିତ ରହିବ ନାହିଁ ବୋଲି ସେ କହିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
