ଭୁବନେଶ୍ବର: ସପ୍ତମ ବାଟାଲିୟନ ପ୍ୟାରେଡ ଗ୍ରାଉଣ୍ଡରେ ଇଣ୍ଟର କମ୍ପାନୀ କ୍ରିକେଟ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି । ଏଥିରେ ବି କମ୍ପାନୀକୁ ହରାଇ ଇ କମ୍ପାନୀ ଚମ୍ପିଆନ ହୋଇଛି । 14 ତାରିଖରୁ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟରେ 8ଟି ଟିମ ଭାଗ ନେଇଥିଲେ ।
ଇଣ୍ଟର କମ୍ପାନୀ କ୍ରିକେଟ ଟୁର୍ଣ୍ଣାମେଣ୍ଟରେ ଏ,ବି,ସି,ଡି,ଇ,ଟେକ୍ନିସିଆନ,ହେଡ କ୍ୱାର୍ଟର ଓ ୟୁନାଇଟେଡ଼ ଟିମ ଭାଗ ନେଇଥିଲେ। ଫାଇନାଲ ମ୍ୟାଚ୍ ଇ ଓ ବି ଟିମ ମଧ୍ୟରେ ହୋଇଥିଲା । ଇ ଟିମ୍ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭର ମଧ୍ୟରେ 68 ରନ ସ°ଗ୍ରହ କରିଥିଲା । ଜବାବରେ ବି ଟିମ୍ ସମାନ ଓଭର ମଧ୍ୟରେ ତା'ର ସମସ୍ତ ଓ୍ବିକେଟ ହରାଇ 51 ରନ କରି ପରାଜିତ ହୋଇଥିଲା। ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ କ୍ରୀଡା ଯୁବ ବ୍ୟାପାର ଓ ଗୃହ ରାଷ୍ଟ୍ର ମନ୍ତ୍ରୀ ତୁଷାରିକାନ୍ତି ବେହେରା, ପୋଲିସ କମିଶନର କଟକ-ଭୁବନେଶ୍ୱର ସୌମେନ୍ଦ୍ର ପ୍ରିୟଦର୍ଶୀ, ରାଜ୍ୟ ସଭା ସାଂସଦ ସୁଲତା ଦେଓ ଏବଂ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ଇଟିଭି ଭାରତ, ଭୁବନେଶ୍ବର
