ଭୁବନେଶ୍ବର: ରାଜଧାନୀରେ ଵୁଲିଲା ଖଣ୍ଡା । ପୁଣି ରକ୍ତରଞ୍ଜିତ ହେଲା ରାଜଧାନୀ । ସୁପରଭାଇଜରକୁ ଗୋଡାଇ ଗୋଡାଇ ହାଣିଲା ମ୍ୟାନେଜର । ଏଭଳି କିଛି ଛାତିଥରା ଆତଙ୍କରାଜ ଦେଖିଵାକୁ ମିଳିଛି ଭୁବନେଶ୍ବରର ବରମୁଣ୍ଡା ବସଷ୍ଟାଣ୍ଡରେ । ସୂଚନା ଅନୁସାରେ, ବସଷ୍ଟାଣ୍ଡରେ ବସର ଟାଇମକୁ ନେଇ ପ୍ରଥମେ ଦୁଇ ବସ କର୍ମଚାରୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଦେଖୁ ଦେଖୁ ବିବାଦ ଉଗ୍ରରୂପ ନେଇଥିଲା ।
ବଚସାରୁ ହଣାକଟା ପର୍ଯ୍ୟନ୍ତ କଥା ଯାଇଥିଲା । ଦିଲଦାର ନାମକ ବସ୍ର ମ୍ୟାନେଜର ମଣିବାବା ବସର ସୁପରଭାଇଜରକୁ ଗୋଡାଇ ଗୋଡାଇ ହାଣିଥିବା ସୂଚନା ରହିଛି । ରକ୍ତ ଜୁଡୁବୁଡୁ ହୋଇ ବସଷ୍ଟାଣ୍ଡରେ ଦୌଡିଥିଲେ ମଣିବାବା ବସ୍ର ସୁପରଭାଇଜର । ତେବେ ଆହତଙ୍କୁ ସୁପରଭାଇଜରକୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଖବରପାଇ ଭରତପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଉଭୟ ପକ୍ଷର କିଛି ଲୋକଙ୍କୁ ପଚରାଉଚରା କରୁଛି ପୋଲିସ ।
ଇଟିଭି ଭାରତ, ଭୁବନେଶ୍ବର
