ଭୁବନେଶ୍ବର: ସାଇବର ଠକ ଠୁ ବଳିଗଲା ସାର୍ଟିଫିକେଟ ଭେରିଫିକେସନ ନାଁରେ ଠକେଇ ର ଜାଲ ବିଛାଇ ଠକେଇ କରୁଥିଲା ଠକ । ଏଟିଏମ ପିନ ସହ ପିନ ନମ୍ବର ନେଇ ୫୯ ହଜାର୩୮୦ ଟଙ୍କା ଠକିନେଇଥିଲା। ଏନେଇ ଥାନାରେ ଅଭିଯୋଗ ପରେ ଅଭିଯୁକ୍ତକୁ ଗିରଫ କଲା କମିଶନରେଟ ପୋଲିସ। ଅନେକଙ୍କ ଠୁ ମଧ୍ୟ ଏପରି ଠକି ଥିବା ସୂଚନା ରହିଛି।
୯ ତାଲାକୁ ଆସୁଥିବା ଯୁବପିଢିଙ୍କୁ ସାର୍ଟିଫିକେଟ ଭେରିଫିକେସନ ନାଁରେ ଠକୁଥିଲା ଲକ୍ଷ ଲକ୍ଷ ଟଙ୍କା । ଏମିତି ଢଙ୍ଗରେ ଠକେଇ କରି ଚୁନା ଲଗାଇଥିବା ଠକକୁ ଗିରଫ କରିଛି କମିଶନରେଟ ପୋଲିସ। ନାଁ ତା'ର ଚୌଧୁରି ଚରଣ ସାହୁ । ଘର ତା'ର ସୁନ୍ଦରଗଡର ବଣାଇ । ସେ ସିଡିଏ ୧୦୭ କଟକରେ ରହୁଛି। ତେବେ କ୍ୟାପିଟାଲ ଥାନାରେ ଜଣେ ଅଭିଯୋଗକାରୀ ଅଭିଯୋଗ କରିଥିଲେ ଯେ, ତାଙ୍କ ପୁଅର ସାର୍ଟିଫିକେଟ ଭେରିଫିକେସନ କରିଦେବ କହି ୯ ତାଲା ନିକଟରେ ଥିବା ଏହି ଠକଜଣଙ୍କ ତାଙ୍କ ସହ ଡିଲ କରିଥିଲା। ଏବାବଦରେ ତାଙ୍କଠୁ ତାଙ୍କ ଏଟିଏମ ସହ ପିନ ନମ୍ବର ନେଇ ୫୯ହଜାର ୩୮୦ ଟଙ୍କା ନେଇଯାଇଥିଲା । ହେଲେ ପରେ ଧରାଛୁଆ ଦେଇନଥିଲା। ସେହିପରି କେବଳ ତାଙ୍କଠୁ ନୁହେଁ ଏହିପରି ଆଉ କିଛି ଯୁବପିଢିଙ୍କଠୁ ମଧ୍ୟ ୨୫ ହଜାର ନେଇଯାଇ ଚମ୍ପଟ ହୋଇଯାଇଥିଲା ।
ତେବେ ତାକୁ ଥାନା କ୍ୟାପିଟାଲ ପୋଲିସ ଆପିସିର ଧାରା ୪୧୯/୪୨୦ରେ ଗିରଫ କରି କୋର୍ଟ ଚାଲାଣ କରିଛି। ତା'ଠୁ ଠକେଇ ଟଙ୍କା ମଧ୍ୟ ଜବତ କରିଛି ପୋଲିସ ଓ ଉକ୍ତ ଲୋକମାନଙ୍କୁ ଟଙ୍କାକୁ ଫରାଇଛନ୍ତି ତଦନ୍ତକାରୀ ଅଧିକାରୀ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
