ଭୁବନେଶ୍ବର: ଯୁକ୍ତଦୁଇ ବୋର୍ଡ ପରୀକ୍ଷା କାର୍ଯ୍ୟସୂଚୀରେ ସାମାନ୍ୟ ପରିବର୍ତ୍ତନ କରିଛି ଉଚ୍ଚ ମାଧ୍ୟାମିକ ଶିକ୍ଷା ପରିଷଦ । ଉଭୟ ବିଜ୍ଞାନ ଓ କଳା ଛାତ୍ରଛାତ୍ରୀ ଗଣିତ ବିଷୟରେ ପରୀକ୍ଷା ଦେବେ । ସକାଳ ୯ଟା ରୁ ଦିନ ୧୨ଟା ପର୍ଯ୍ୟନ୍ତ ହେବ ପରୀକ୍ଷା । ମେ ୧୯ ତାରିଖରେ ହେବାକୁ ଥିବା ସମସ୍ତ ପରୀକ୍ଷା ମେ ୩୧ ତାରିଖରେ ହେବ ।
ହୋମ୍ ସାଇନ୍ସ ପରୀକ୍ଷା ମେ ୧୯ ତାରିଖ ବଦଳରେ ମେ ୩୧ ତାରିଖରେ ହେବ । ଭୋକେଶନାଲ ବାୟୋଲୋଜି ପରୀକ୍ଷା ମେ ୧୯ ବଦଳରେ ମେ ୩୧ ତାରିଖରେ ହେବ ପରୀକ୍ଷା । ଏନେଇ CHSE ବିଧିବଦ୍ଧ ଭାବରେ ବିଜ୍ଞପ୍ତି ପ୍ରକାଶ କରି ଛାତ୍ରଛାତ୍ରୀଙ୍କୁ ସୂଚନା ଦେଇଛି । ଅପ୍ରେଲ ୨୮ ତାରିଖରୁ ଯୁକ୍ତ ଦୁଇ ପରୀକ୍ଷା ଆରମ୍ଭ ହେବ । ଚଳିତ ବର୍ଷ ପ୍ରାୟ ୩ ଲକ୍ଷ ୨୦ ହଜାର ଛାତ୍ରଛାତ୍ରୀ ପରୀକ୍ଷା ଦେବେ । ଏଥିପାଇଁ ବୋର୍ଡ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
