ଭୁବନେଶ୍ବର: ଓଡିଶାକୁ ସାମ୍ଭବ୍ୟ ବାତ୍ୟା ଆଶାଙ୍କାରେ ଆଗାମୀ 4 ଦିନ ପାଇଁ ଭୁବନେଶ୍ବର-ଦିଲ୍ଲୀ ଗଡୁଥିବା ସ୍ବତନ୍ତ୍ର ଟ୍ରେନର ଦିଗ ପରିବର୍ତ୍ତନ କରାଯାଇଛି ।
02823/02824 ନମ୍ବରର ଏହି ଦୁଇଟି ଟ୍ରେନ ଆସନ୍ତା 19 ତାରିଖରୁ ଅନୁଗୋଳ ଓ ସମ୍ବଲପୁର ରୁଟ ଦେଇ ଗତି କରିବ । ଯାହାକି ପୂର୍ବରୁ ଭଦ୍ରକ, ବାଲେଶ୍ବର ଓ ହିଞ୍ଜିଳି ଦେଇ ଯାତ୍ରା କରୁଥିଲା । ଏଥିସହ ଟ୍ରେନ ମଧ୍ୟ ଝାରସୁଗୁଡା ଓ ରାଉରକେଲା ଟାଟା ଦେଇ ଗତି କରିବ । ତେବେ ଉଭୟ ଯାତ୍ରୀ ଓ କର୍ମଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ନିଷ୍ପତି ନିଆଯାଇଛି ।
ଅନ୍ୟପଟେ ବାଲେଶ୍ବର ଓ ହିଞ୍ଜିଳି(ଖଡ଼ଗପୁର)ର ଯାତ୍ରୀ ଆଗାମୀ 4 ଦିନ ପାଇଁ ସେବା ପାଇ ପାରିବେ ନାହିଁ । ଇଷ୍ଟକୋଷ୍ଟ ରେଳବିଭାଗ ବାତ୍ୟାକୁ ନେଇ ତୀକ୍ଷ୍ଣ ନଜର ରଖିଛି । ଆସନ୍ତା ଦିନରେ ରେଳ ଚଳାଚଳକୁ ନେଇ ସୂଚନା ଦିଆଯିବ ବୋଲି ପୂର୍ବତଟ ରେଳବାଇ ପକ୍ଷରୁ ସୂଚନା ଦିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
