ଭୁବନେଶ୍ବର: ଏଣିକି ବିଦ୍ୟୁତ ବିଲ୍ ପଇଠ ପାଇଁ ଯିବାକୁ ପଡିବନି ସେସୁ କାର୍ଯ୍ୟାଳୟ । ଏଥିପାଇଁ ଆରମ୍ଭ ହୋଇଛି ଡିଜିଟାଲ ଅଫିସିଆଲ ପେମେଣ୍ଟ ଆପ ‘ସେସୁ କନେକ୍ଟ’ । ଯାହା ଜରିଆରେ ପେମେଣ୍ଟ କରିପାରିବେ ବିଦ୍ୟୁତ ବିଲ ।
ସେସୁ ଗ୍ରାହକଙ୍କ ପାଇଁ ଖୁସି ଖବର,ଏଣିକି ଆପରେ ହେବ ବିଲ ପଇଠ
ଏହି ଆପ୍କୁ ଶୁଭାରମ୍ଭ କରିଛନ୍ତି ଶକ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର । ଭିଡିଓ କନଫେରନସ ଜରିଆରେ ଏହି ଆପର ଶୁଭାରମ୍ଭ ହୋଇଛି । ଲକଡାଉନ ସମୟରେ ଗ୍ରାହକ ଘରୁ ବାହାରିପାରୁନଥିବାବେଳେ ଏଭଳି ଆପ ଜରିଆରେ ପେମେଣ୍ଟ କରିପାରିବେ ଗ୍ରାହକ ।
ଏଥିସହ ଅଭିଯୋଗ ଓ ଅନେକ ଡାଟା ଯେପରିକି ବିଲ ସମ୍ପର୍କରେ ସୂଚନା ଜାଣିହେବ । ସୂଚନାଥାଉକି, ମାସକୁ 260 କୋଟି ଟଙ୍କାର ବିଲ ମାସକୁ ଆଦାୟ କରାଯାଏ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
