ଭୁବନେଶ୍ବର: ରାଜଧାନୀରେ ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣାରେ ଚାଲିଗଲା 4 ଜୀବନ । ଚନ୍ଦ୍ରଶେଖରପୁର ଥାନା ଅନ୍ତର୍ଗତ ନାଲକୋ ଛକରେ ଦୁଇଟି କାର OD33Y3649 ଓ OD02AA8100 ମଧ୍ୟରେ ମୁହାଁମୁହିଁ ଧକ୍କାରେ 4 ଜଣଙ୍କର ମୃତ୍ୟୁ ଘଟିଥିବାବେଳେ 2 ଜଣ ଗୁରୁତର ଆହତ ହୋଇଛନ୍ତି ।
ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ଦୁଇ କାର କଳିଙ୍ଗ ହସ୍ପିଟାଲ ଛକରେ ମୁହାଁମୁହିଁ ଧକ୍କା ହୋଇଥିଲେ । ଯେଉଁଥିରେ ଗାଡିରେ ଥିବା 4 ଜଣଙ୍କର ମୃତ୍ୟୁ ଘଟିଥିବା ବେଳେ 2 ଜଣ ଗୁରୁତର ଆହତ ହୋଇଛନ୍ତି । ତେବେ ମୃତକ ମାନେ ହେଲେ ନିଳାଦ୍ରୀବିହାର ଅଞ୍ଚଳର ଘନଶ୍ୟାମ ଦାସଙ୍କ ମା ଓ ଡ୍ରାଇଭର ସମେତ ତାର ଦୁଇ ସହଯୋଗୀ । ଏହି ଦୁର୍ଘଟଣାରେ ଘନଶ୍ୟାମ ଦାସ ଓ ତାଙ୍କ ପତ୍ନୀ ଅଲ୍ପକେ ବର୍ତ୍ତି ଯାଇଥିବା ଜଣାପଡିଛି । ତେବେ ଗାଡିରେ ସେଫ ବେଲୁନ ଥିବା ସତ୍ତ୍ବେ ଏହି ୪ ଜଣଙ୍କର ମୃତ୍ୟୁ ଘଟିଛି ।
ଏପଟେ ଖବର ପାଇ ଚନ୍ଦ୍ରଶେଖରପୁର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହଙ୍କୁ ପୋଷ୍ଟମର୍ଟମ ପାଇଁ ପଠାଇଛନ୍ତି । ତେବେ କାର ଭିତରୁ ଆପତ୍ତିଜନକ ସାମଗ୍ରୀ ଉଦ୍ଧାର କରାଯାଇଥିବା ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
