ଭୁବନେଶ୍ବର: ପୁଣି 215 ଜଣ ପ୍ରବାସୀ ଓଡ଼ିଆଙ୍କୁ ଧରି ସାଉଦି ଆରବରୁ ଫ୍ଲାଇଟରେ ଉଡାଣ ଭରିଛନ୍ତି କ୍ୟାପଟେନ ମଧୁସ୍ମିତା ପଟ୍ଟନାୟକ । ଆଜି ଅପରାହ୍ନରେ ଉଡାଣ ଭରିଥିବା ବେଳେ ରାତି 10 ଟାରେ ବିଜୁ ପଟ୍ଟନାୟକ ବିମାନ ବନ୍ଦରରେ ଅବତରଣ କରିବେ ବୋଲି ସୂଚନା ରହିଛି । ସେପଟେ ଓଡ଼ିଆ ଭାଇ ଭଉଣୀଙ୍କୁ ଧରି ସ୍ବରାଜ୍ୟ ଫେରୁଥିବା ନେଇ ନିଜେ ସୂଚନା ଦେଇଛନ୍ତି କ୍ୟାପେଟନ ମଧୁସ୍ମିତା ।
ମହାପ୍ରଭୁ ଜଗନ୍ନାଥ ବୁଧବାର ମାଉସୀ ମା ଘରୁ ନୀଳକନ୍ଦରକୁ ବାହୁଡିବାକୁ ଥିବା ବେଳେ ଆମେ ମଧ୍ୟ ସୂଦୁର ସାଉଦୀ ଆରବରୁ ବାହୁଡ଼ିବୁ ବୋଲି ସୋସିଆଲ ମିଡ଼ିଆରେ ଭିଡ଼ିଓ ବାର୍ତ୍ତା ଦେଇଛନ୍ତି କ୍ୟାପେଟନ ମଧୁସ୍ମିତା । ସେହିପରି ଓଡିଆ ସମାଜର ପ୍ରୟାସରେ 215 ଜଣ ପ୍ରବାସୀ ଓଡ଼ିଶା ପେରୁଥିବାରୁ ଅନୁଷ୍ଠାନକୁ ମଧ୍ୟ ଧନ୍ୟବାଦ ଜଣାଇଛନ୍ତି ।
ସେହିପରି ଜୁନ 14ରେ ମଧ୍ୟ 215 ଜଣ ପ୍ରବାସୀଙ୍କୁ ବିମାନରେ ଓଡ଼ିଶା ଉଡ଼ାଇ ଆଣିଥିଲେ ମଧୁସ୍ମିତା । ଜୟ ଜଗନ୍ନାଥ କହି ଉଡ଼ାଣ ଭରିଥିବା ଏହି ଲେଡ଼ି ପାଇଲଟଙ୍କ କାର୍ଯ୍ୟ ଏବଂ ଉଦ୍ୟମ ସମଗ୍ର ରାଜ୍ୟରେ ଚର୍ଚ୍ଚା ପାଲଟିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
