ଭୁବନେଶ୍ବର: ଆଜି ରାଜଧାନୀ ନାବାଳିକା ଗଣଦୁଷ୍କର୍ମ ମାମଲାର ହେଉଛି ଶୁଣାଣି । ଓଡିଶା ରାଜ୍ୟ ଶିଶୁ ସୁରକ୍ଷା ଅଧିକାର ଆୟୋଗରେ ହୋଇଥିବା ଅଭିଯୋଗ ଉପରେ ଶୁଣାଣି କରୁଛନ୍ତି ଆୟୋଗର ଅଧ୍ୟକ୍ଷା ।
ନାବାଳିକା ଗଣଦୁଷ୍କର୍ମ ମାମଲା
ଏନେଇ ପୂର୍ବରୁ ହୋଇଥିବା ନୋଟିସ ଆଧାରରେ କୋର୍ଟରେ ହାଜର ହୋଇଛନ୍ତି ଏକ ନିର୍ଦ୍ଦିଷ୍ଟ ଗଣମାଧ୍ୟମର ପିଆରଓ ଏବଂ ଅଭିଯୋଗକାରିଣୀ । ମାମଲାରେ ସମ୍ପୃକ୍ତ ଗଣମାଧ୍ୟମର ଏମଡିଙ୍କୁ ହାଜର ପାଇଁ ନୋଟିସ ହୋଇଥିଲା ।
ଶିଶୁ ସୁରକ୍ଷା ଅଧିକାର ଆୟୋଗରେ ଅଧ୍ୟକ୍ଷାଙ୍କ ସମେତ ଆୟୋଗର ଦୁଇ ଜଣ ମେମ୍ବରଙ୍କ ଉପସ୍ଥିତିରେ ଶୁଣାଣି ହେଉଛି ।
ସୂଚନା ଥାଉକି, ରାଜଧାନୀରେ ଜଣେ ନାବାଳିକାଙ୍କୁ ନିର୍ଦ୍ଦିଷ୍ଟ ଗଣମାଧ୍ୟମର କର୍ମଚାରୀ ଗଣଦୁଷ୍କର୍ମ କରିଥିବାର ପୀଡିତାଙ୍କ ମା’ ଅଭିଯୋଗ କରିଥିଲେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
