ଭୁବନେଶ୍ବର: ଲକଡାଉନ ପରେ ବଢୁଛି ଗଞ୍ଜେଇ କାରବାର । ନିଶାଡିଙ୍କ ଡିମାଣ୍ଡ ଦେଖି ଗଞ୍ଜେଇ ଯୋଗାଉଛନ୍ତି ସପ୍ଲାୟର । ଏହି କ୍ରମରେ ବୁଧବାର ସନ୍ଧ୍ୟାରେ ବାଲିଅନ୍ତା ଦୁଲାଦେଇ ମନ୍ଦିର କଡରେ 4 ବସ୍ତା ଗଞ୍ଜେଇ ଡିଲ ଚାଲିଥିବା ବେଳେ କ୍ୟୁଏଟି ଧରିଛି ୯୬ କେଜି ୪୦୦ଗ୍ରାମ ଗଞ୍ଜେଇ । ଘଟଣାରେ ଜଣେ ବ୍ୟବସାୟୀଙ୍କୁ ଗିରଫ କରିବା ସହ ନଗଦ 1500 ଟଙ୍କା ଜବତ କରିଛି ପୋଲିସ । ଗିରଫ ବ୍ୟବସାୟୀ କାଶୀପୁର ଉପରସାହି ଜଙ୍କିଆ ଖୋର୍ଦ୍ଧାର ବୀରବର ପ୍ରଧାନ ବୋଲି ଜଣାପଡିଛି ।
OD021919 ଟ୍ରାଭେରା ଯୋଗେ ୪ ବସ୍ତା ଗଞ୍ଜେଇ କାରବାର ଚାଲିଥିଲା । ସେହିପରି ଖଣ୍ଡଗିରି ଅଞ୍ଚଳରେ 2 ବେପାରୀଙ୍କୁ ଗିରଫ କରିଛି କମିଶନରେଟ ପୋଲିସ । ସେମାନଙ୍କ ଠାରୁ ୮ କେଜି ଗଞ୍ଜେଇ ସହ ନଗଦ ୨୭୦୦ ଟଙ୍କା ଓ 2ଟି ମୋବାଇଲ ଫୋନ ଜବତ ହୋଇଛି । ସମସ୍ତଙ୍କୁ ଏନଡିପିଏସ ଆକ୍ଟରେ ଗିରଫ କରାଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
