ଭୁବନେଶ୍ବର: ସଦର ଉପନିର୍ବାଚନ ପାଇଁ ତିନି ପ୍ରମୁଖ ଦଳ ପ୍ରଚାର ଜୋରଦାର ଚାଲିଛି । ମତଦାନ ତାରିଖ ଯେତିକି ପାଖଉଛି ରାଜନୈତିକ ଉଷ୍ମତା ମଧ୍ୟ ସେତିକି ବଢିବାରେ ଲାଗିଛି । ନେତା ମନ୍ତ୍ରୀଙ୍କ ଆରୋପ ପ୍ରତ୍ୟାରୋପ ସହ ଭୋଟରଙ୍କୁ ମଧ୍ୟ ନିଜ ଆଡକୁ ଆକୃଷ୍ଟ କରିବା ପାଇଁ ଆପ୍ରାଣ ଉଦ୍ୟମ କରୁଥିବା ଦେଖିବାକୁ ମିଳୁଛି । ଏହାକୁ ନେଇ କଂଗ୍ରେସ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ବାଲେଶ୍ବରରେ ବାଦି ପାଲା ଚାଲିଛି । ଉଭୟ ବିଜେପି ଓ ବିଜେଡି ଏହି ପାଲା କରୁଛନ୍ତି ।
ଦୁଇ ଦଳ ହିସାବ ଦେଉଛନ୍ତି କେତେ ଟଙ୍କା କିଏ ଦେଇଛି । ହେଲେ ବାସ୍ତବରେ କଣ କାମ ହେଇଛି ସେକଥା ଲୋକେ ଦେଖୁଛନ୍ତି । ଏଭଳି ଫାଙ୍କା ବିତର୍କ ନକରି ଲୋକଙ୍କ ସମସ୍ୟା ବୁଝାନ୍ତୁ ବୋଲି କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ବିଜେଡି 21 ବର୍ଷରେ କଣ କରିଛି ଆଉ ବିଜେପି 7 ବର୍ଷରେ କଣ କରିଛି ହିସାବ ଦେଉ । ଉଭୟ ବାଲେଶ୍ଵର ଓ ତିର୍ତ୍ତୋଲବାସୀଙ୍କୁ ଅନୁରୋଧ କାହା କଥାରେ ଭାସି ନଯାଇ ପରିବର୍ତ୍ତନ ସ୍ରୋତରେ ସାମିଲ ହୁଅନ୍ତୁ ବୋଲି ସେ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
