ଭୁବନେଶ୍ବର: ଦାଦାବଟି ନ ଦେବାରୁ ବ୍ଯବସାୟୀଙ୍କୁ ଆକ୍ରମଣ । ମରଣାନ୍ତକ ଆକ୍ରମଣ କରିଛନ୍ତି କିଛି ଅସାମାଜିକ ଯୁବକ। ରାଜଧାନୀ ଶିରିପୁରୁ ଓୟୁଏଟି ଫାର୍ମଗେଟ ଲକ୍ଷ୍ମୀବଜାର ନିକଟରେ ହାଣି ଦୁର୍ବୁତ ଫେରାର। ଆକ୍ରମଣରେ ଜଳଖିଆ ବ୍ଯବସାୟୀ ନିରଞ୍ଜନ ସାହୁ ଗୁରୁତର ଭାବେ ଆହତ ହୋଇଛନ୍ତି।
ତାଙ୍କ ମୁଣ୍ଡ ଓ ହାତ ସହ ପିଠିକୁ ଭୁଜାଲିରେ ଆକ୍ରମଣ କରିଛନ୍ତି । ୧୨ଟି ଷ୍ଟିଚ ପଡିଥିବା ବେଳେ ସିଟିସ୍କାନ କରାଯାଇଛି । ତେବେ ଆକ୍ରମଣ କରିଥିବା ଯୁବକଙ୍କ ମଧ୍ଯରେ ସ୍ଥାନୀୟ ସଂଗ୍ରାମ ଗୋଡ ଓ ପ୍ରତାପ ପରିଡା ସହ ୫ରୁ ୬ଜଣ ଥିବା ଆକ୍ରମଣର ଶିକାର ହୋଇଥିବା ବ୍ଯକ୍ତି କହିଛନ୍ତି। ସୂଚନା ମୁତାବକ ଦିନ ୩ଟା ସମୟରେ ସେମାନେ ପ୍ରଥମେ ଦାଦାବଟି ମାଗିଥିଲେ ପରେ ନ ଦେବାରୁ ସେମାନେ ଧମକ ଚମକ ଦେଇଥିଲେ। ତେବେ ନିରଞ୍ଜନଙ୍କ ପୁଅ କାହ୍ନା ସାହୁ ଏ ନେଇ ଖଣ୍ଡଗିରି ଥାନାକୁ ଏଫଆଇର ଦେବାକୁ ଯାଇଥିବା ବେଳେ ବାପା ନିରଞ୍ଜନକୁ ୫ରୁ ୬ ଜଣ ମିଶି ଆସି ରଡ ଓ ଭୁଜାଲିରେ ମରଣାନ୍ତକ ଆକ୍ରମଣ କରିଥିବା କହିଛନ୍ତି ଆହତ ନିରଞ୍ଜନ ସାହୁ । ଏନେଇ ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି ସେପଟେ ପୋଲିସ ସୁରାକ ପାଇ ଘଟଣା ସ୍ଥଳକୁ ଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
