ଖୋର୍ଦ୍ଧା : ଦିନକୁ ଦିନ ଓଡ଼ିଶାରେ କାୟା ବିସ୍ତାର କରୁଛି ବ୍ରାଉନସୁଗାର ଓ ଗଞ୍ଜେଇ ଚାଲାଣ । ଏହି କ୍ରମରେ ଖୋର୍ଦ୍ଧାରେ ଆଜି ବ୍ରାଉନସୁଗାର ଓ ଗଞ୍ଜେଇ ଚାଲାଣ କରୁଥିଲେ ଦୁଇଜଣ ଚାଲାଣକାରୀ । ଏ ସମ୍ପର୍କରେ ଖବରପାଇ ଅବକାରୀ ବିଭାଗ ଘଟଣାସ୍ଥଳରେ ପହଞ୍ଚିଥିଲା । ସେଠାରେ ତଦନ୍ତ କରି ଦୁଇ ଜଣଙ୍କୁ ଗିରଫ କରିଛି ଅବକାରୀ ବିଭାଗ ।
ତେବେ ଖୋର୍ଦ୍ଧା ଜଟଣୀ ବାଇପାସରୁ ୫୫ ଗ୍ରାମ ବ୍ରାଉନସୁଗାର ସହିତ 3 କିଲୋ ଗଞ୍ଜେଇ ଜବତ କରିଛି ଖୋର୍ଦ୍ଧା ଅବକାରୀ ବିଭାଗ । ଏହାସହ ଉକ୍ତ ଘଟଣାରେ ସାମିଲ ଥିବା ୨ଜଣକୁ କୋର୍ଟ ଚାଲାଣ କରିଛି ଅବକାରୀ ବିଭାଗ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୫ ଲକ୍ଷ ୫୦ ହଜାର । ଗିରଫ ଅଭିଯୁକ୍ତ ହେଲେ କଟକ ନିଆଳି ଅଞ୍ଚଳର ଏସକେ ଅସଲମ ଓ କଲିକତା ଚାନ୍ଦିପୁର ବାଁସୁରି ହାଜରା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
