ଭୁବନେଶ୍ବର: ଚଳିତ ବର୍ଷ ଭାସିବ ନାହିଁ ଡଙ୍ଗା ! ଡଙ୍ଗା ଭସା, ବୋଇତ ବନ୍ଦାଣ ଉପରେ ରୋକ ଲଗାଇଲେ ସରକାର । କୋଭିଡ 19 ପାଇଁ କଟକଣା ଜାରି କଲେ ରାଜ୍ୟ ସରକାର।
ନଦୀ, ସମୁଦ୍ର ଓ ପୋଖରୀ ଭଳି ଜଳାଶୟରେ ଗହଳି କରିବା ଉପରେ କଟକଣା ଲାଗୁ ହୋଇଛି। ସ୍ୱତନ୍ତ୍ର ରିଲିଫ କମିଶନର ଏନେଇ ବିଜ୍ଞପ୍ତି ପ୍ରକାଶ କରିଛନ୍ତି ।
କାର୍ତ୍ତିକ ପୂର୍ଣ୍ଣିମାରେ ରାଜ୍ୟରେ ଡଙ୍ଗାଭସା ପ୍ରତିବର୍ଷ ବେଶ ଧୁମଧାମରେ ପାଳନ କରାଯାଉଥିବାବେଳେ ଚଳିତ ବର୍ଷ ଏହା ଉପରେ ସରକାର ରୋକ ଲଗାଇଛନ୍ତି ।
ସୂଚନାଥାଉକି, ଚଳିତ ବର୍ଷ ବାଲିଯାତ୍ରା ହେବନାହିଁ ବୋଲି ପୂର୍ବରୁ ପ୍ରଶାସନ ନିଷ୍ପତ୍ତି ନେଇଥିବାବେଳେ ଏବେ ଡଙ୍ଗାଭସା ଉପରେ ରୋକ ଲଗାଇଛନ୍ତି ସରକାର । ପୋଖରୀ ତୁଠ, ନଦୀ ଘାଟରେ ଡଙ୍ଗାଭସା ଦିନ ପ୍ରବଳ ଭିଡ ଜମୁଥିବାରୁ ଏହାକୁ ଦୃଷ୍ଟିରେ ରଖି ସରକାର କଟକଣା କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
