ଭୁବନେଶ୍ବର: ଝାରପଡା ଜେଲରେ ବିଏମସିର ରାପିଡ ରେସପନ୍ସ ଟିମ । ସାରା ରାଜ୍ୟରେ ଥିବା ଜେଲ ଗୁଡ଼ିକରେ ଏବେ କୋରୋନା ସଂକ୍ରମଣର ବିସ୍ଫୋରକ ପରିସ୍ଥିତି ସୃଷ୍ଟି ହେବାରେ ଲାଗିଛି । ଏହାକୁ ନଜରରେ ରଖି ଆଜି ଝାରପଡା ଜେଲରେ ପହଞ୍ଚିଛି ବିଏମସିର ରାପିଡ ରେସପନ୍ସ ଟିମ ।
ଭୁବନେଶ୍ବର ଝାରପଡା ଜେଲ ରେ ପ୍ରାୟ ୯୬ ଜଣ କଏଦୀ କୋରୋନା ପଜିଟିଭ ହୋଇଛନ୍ତି । ଶୁକ୍ରବାର ଭୁବନେଶ୍ବର ମହାନଗର ନିଗମ ପକ୍ଷରୁ ରାପିଡ଼ ରେସପନ୍ସ ଟିମ ଦ୍ବାରା ଚେକ ଅପ କରାଯାଇଛି । କୋଭିଡ ଆକ୍ରାନ୍ତଙ୍କ ସ୍ବାସ୍ଥ୍ୟ ଅବସ୍ଥା ପଚାରି ବୁଝିଲେ ଆରଆରଟି ଟିମ । ଆବଶ୍ୟକୀୟ ଚିକିତ୍ସା ଦେବା ସହ ରୋଗୀଙ୍କ ଅଭିଯୋଗକୁ ଶୁଣି ସମାଧାନ କରିବା ପାଇଁ ଜେଲ ଭିତରେ ବୁଲିଛନ୍ତି । ସୂଚନାଥାଉକି ରାଜ୍ୟର ବିଭିନ୍ନ ଜେଲରେ ଏବେ କୋରୋନା ସଂକ୍ରମଣ ବଢି ଚାଲିଛି। ଜେଲର ଅନ୍ତେବାସୀଙ୍କ ସହ ଜେଲ କର୍ମଚାରୀ ମଧ୍ୟ ଆକ୍ରାନ୍ତ ହୋଇଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ,ଇଟିଭି ଭାରତ
