ଭୁବନେଶ୍ବର: କୋଭିଡ ନିୟମ ଭାଙ୍ଗୁଥିବା ବ୍ୟବସାୟୀଙ୍କୁ ବିଏମସି ଛାଟ । ନିୟମ ଭାଙ୍ଗୁଥିବା ସମସ୍ତ ଦୋକାନରେ ଜୋରଦାର ଚଢାଉ କରିଛି ଭୁବନେଶ୍ବର ମହାନଗର ନିଗମ । ଗୋଟିଏ ଦିନରେ 42ଟି ସ୍ଥାନରେ ଚଢାଉ କରିଛି ବିଏମସି । ଆଜି 2ଟି ଦୋକାନ ସିଲ୍ କରାଯାଇଛି ।
ବାପୁଜୀ ନଗରରେ ଏକ ଦୋକାନକୁ ସିଲ କରି 10,000ଟଙ୍କା ଫାଇନ ଆଦାୟ କରାଯାଇଛି । ଏହା ସହିତ ରୂପାଲି ଛକ, ଯାତ୍ରୀ ନିବାସ ଛକ ସହିତ ଓମମ୍ଫେଡ ବୁଥ ଗୁଡିକରେ ବିଏମସି ପକ୍ଷରୁ ଚଢାଉ କରାଯାଇଛି । ଆଗରୁ ବଡ ବଡ ଦୋକାନକୁ ଟାର୍ଗେଟ କରାଯାଉଥିବାବେଳେ ଆଜି ଛୋଟ ଛୋଟ ଦୋକାନ ଯେପରି ଚା’ ଦୋକାନ ପାନ ଦୋକାନକୁ ବନ୍ଦ କରାଯାଇଛି ।
ଓମମ୍ପେଡ ପାର୍ଲର ଗୁଡିକରୁ 5 ହଜାର ଟଙ୍କା ଲେଖାଏଁ ଜୋରିମାନା ଆଦାୟ କରାଯାଇଛି । ଏହା ପୂର୍ବରୁ ଜୁଲାଇ 1ରେ ବାପୁଜୀ ନଗର ମାର୍କେଟକୁ ସିଲ କରିଥିଲା ବିଏମସି । ମାର୍କେଟ ବନ୍ଦ ଥିବା ସତ୍ତ୍ବେ ଦୁଇଟି ଇଲେକ୍ଟ୍ରି ସାମଗ୍ରୀ ଦୋକାନ ଖୋଲାଥିବାରୁ ଚଢାଉ କରିଛି ବିଏମସି । ରାଜ୍ୟରେ ଅନେକ ସ୍ଥାନରେ ସଂକ୍ରମଣ କମିଥିବାବେଳେ ଭୁବନେଶ୍ବରରେ ସ୍ଥିର ରହିଛି । ଏହାକୁ ଦୃଷ୍ଟିରେ ରଖି ଏହି ଏନଫୋର୍ସମେଣ୍ଟକୁ ଜୋରଦାର କରାଯିବ ବୋଲି କହିଛନ୍ତି ବିଏମସି ସହକାରୀ ଆୟୁକ୍ତ ଲିଲନ୍ ପ୍ରସାଦ ସାହୁ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ,ଇଟିଭି ଭାରତ
