ଭୁବନେଶ୍ବର: ମୌସୁମୀ ପାଇଁ ପୂର୍ବରୁ ପ୍ରସ୍ତୁତ ହୋଇଛି ବିଏମସି । ଆଗାମୀ ବର୍ଷାକୁ ନେଇ ପାଣିପାଗ ବିଭାଗର ଯାହା ଆକଳନ ରହିଛି ରାଜଧାନୀରେ ବର୍ଷାର ପରିମାଣ ଅଧିକ ରହିବ | ଏହାକୁ ଦୃଷ୍ଟିରେ ରଖି ତଳିଆ ଅଞ୍ଚଳରେ ବର୍ଷାଜଳ ନିଷ୍କାସନ ପାଇଁ ବିଏମସି ତରଫରୁ ବ୍ୟାପକ ବ୍ୟବସ୍ଥା କରାଯାଇଛି । ୨୭ଟି ସମ୍ବେଦନଶୀଳ ସ୍ଥାନକୁ ଫୋକସରେ ରଖାଯାଇଛି । ଜଳ ନିଷ୍କାସନ ପାଇଁ ପମ୍ପର ବ୍ୟବସ୍ଥା କରାଯାଇଛି ।
ପ୍ରତି ୱାର୍ଡରେ ଇଞ୍ଜିନିୟର ମାନଙ୍କୁ ଦାୟିତ୍ୱ ଦିଆଯାଇଛି । କୌଣସି ଅସୁବିଧା ହେଲେ ବିଏମସି ତରଫରୁ ୨ ଟି ଟୋଲ ଫ୍ରି ନମ୍ବର ମଧ୍ୟ ଜରି କରାଯାଇଛି । ୨୪*୭ କଣ୍ଟ୍ରୋଲ ରୁମ୍ କାର୍ଯ୍ୟ କରିଛି । ଅଗ୍ନିଶମ ବିଭାଗ ଓ ବିଏମସି ପକ୍ଷରୁ ପମ୍ପସେଟ୍ ମହଜୁଦ ହୋଇଛି । ଭୁବନେଶ୍ୱରରେ ୧୦ ଟି ମୁଖ୍ୟ ଡ୍ରେନ୍ କାମ ସରିଥିବା ବେଳେ ଓ ୩ଟି ଲିଙ୍କ୍ ଡ୍ରେନରୁ ୨ଟି କାର୍ଯ୍ୟ ସରିଥିବାବେଳେ ଆଉ ଗୋଟିଏର କାମ ଆସନ୍ତା ୧୫ ତାରିଖରେ ସରିବ । ସଂଯୋଗ ଡ୍ରେନର ସଫେଇ କାର୍ଯ୍ୟ ମଧ୍ୟ ଜାରି ରହିଛି ।
ଏନଏଚଆଇର ଥିବା ୩ଟି ସ୍ଥାନକୁ ସର୍ବେକ୍ଷଣ କରି ବ୍ୟବସ୍ଥା କରାଯାଇଛି । ସବୁ ପ୍ରକାର ସ୍ଥିତିର ମୁକାବିଲା ପାଇଁ ପ୍ରସ୍ତୁତ ଥିବା କହିଛନ୍ତି ବିଏମସି କମିଶନର ସଂଜୟ ସିଂ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
