ଭୁବନେଶ୍ବର: ଶାସକ ବିଜୁ ଜନତା ଦଳ ନଗ୍ନ ଭାବରେ ସ୍ପଷ୍ଟ ଦିବାଲୋକରେ ସମସ୍ତଙ୍କ ଉପସ୍ଥିତିରେ ପୌର ନିର୍ବାଚନ ପାଇଁ ଭୋଟରଙ୍କୁ ଟଙ୍କା ବାଣ୍ଟୁଛି । ଏଭିଳି ସାଂଘାତିକ ଅଭିଯୋଗ ଆଣିଛନ୍ତି ବିଜେପି ମୁଖପାତ୍ର ସୁରଥ ବିଶ୍ବାଳ । ସୁରଥ କହିଛନ୍ତି ଶାସକ ବିଜୁ ଜନତା ଦଳ ନଗ୍ନ ଭାବରେ ସ୍ପଷ୍ଟ ଦିବାଲୋକରେ ସମସ୍ତଙ୍କ ଉପସ୍ଥିତିରେ ଟଙ୍କା ବାଣ୍ଟୁଛି ।
ଭୋଟ ପାଇଁ ନୋଟ ବାଣ୍ଟୁଛି ବିଜେଡି: ବିଜେପି ମୁଖପାତ୍ର ସୁରଥ ବିଶ୍ବାଳ
ଲୋକେ ଭଲ ପାଉଛନ୍ତି ବିଜେଡିକୁ ତେଣୁ ଭୋଟ ଦେଉଛନ୍ତି କହୁଥିବା ବିଜେଡି ଟଙ୍କା କାହିଁକି ବାଣ୍ଟୁଛି ବୋଲି ସେ ପ୍ରଶ୍ନ କରିଛନ୍ତି ? ପ୍ରଶାସନ, ପୋଲିସ ଏବଂ ଆଚରଣ ବିଧି ବିଜୁ ଜନତାଦଳ ପାଖରେ ଏହାର କିଛି ମାନେ ନାହିଁ । ରାଜ୍ୟର ଅନେକ ସ୍ଥାନରୁ ବିଜେଡି ପ୍ରାର୍ଥୀ, ନେତା ଟଙ୍କାବାଣ୍ଟୁ ଥିବାର ଭିଡିଓ ଆସୁଛି । ଏହା ଗଣତନ୍ତ୍ର ପ୍ରତି ଅଶୁଭ ଲକ୍ଷଣ । ଗଣତନ୍ତ୍ର ପାଇଁ ବିପଦ ସଂକେତ ବୋଲି କହିଛନ୍ତି ସୁରଥ ବିଶ୍ଵାଳ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
