ଭୁବନେଶ୍ବର: ମମିତା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ବିବୃତ୍ତିକୁ ବିଜେପି ବିଧାୟକ ଦଳର କାଉଣ୍ଟର ଜବାବ। ମୁଖ୍ୟମନ୍ତ୍ରୀଙ୍କ ରାଜନୀତିକରଣ ପ୍ରତିକ୍ରିୟା ଉପରେ ବିଜେପିର ପ୍ରଶ୍ନ । ୧୯୯୯ ମସିହା ଗଣଦୁଷ୍କର୍ମ ମାମଲାରେ ଜାନୁଆରୀ ୩ରେ ତମେ କ’ଣ କରିଥିଲ ? କଟକ ଯାଇ ଏଫାଆଇଆର ଦେବା ସହ ଓଡିଶା ବନ୍ଦ ଡାକରା ଦେଇଥିଲ କି ନାହିଁ । କ’ଣ ସେଇଟା ରାଜନୀତି ନଥିଲା ବୋଲି ପ୍ରଶ୍ନ କରିଥିଲେ ଜୟନାରାୟଣ ମିଶ୍ର ।
ମୁଖ୍ୟମନ୍ତ୍ରୀଙ୍କ ମନ୍ତବ୍ୟକୁ ପ୍ରତ୍ୟାଖ୍ୟାନ କଲା ବିଜେପି ବିଧାୟକ ଦଳ । ଏ ଘଟଣାରେ ମୁଖ୍ୟମନ୍ତ୍ରୀ ତା’ଙ୍କ ସହଯୋଗୀ ମନ୍ତ୍ରୀଙ୍କୁ ବଞ୍ଚାଇବାକୁ ଉଦ୍ୟମ କରିଛନ୍ତି । ଘଟଣାର ସିବିଆଇ ତଦନ୍ତ ଓ ମନ୍ତ୍ରୀଙ୍କୁ ବହିଷ୍କାର ନକରିବା ପର୍ଯ୍ୟନ୍ତ ବିରୋଧ ଜାରି ରହିବ ବୋଲି ସ୍ପଷ୍ଟ କରିଛନ୍ତି ବିଜେପି ଦଳ ମୁଖ୍ୟ ସଚେତକ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ବିବୃତ୍ତି କ୍ୟାସେଟ ବୋଲି କହିଲା ବିଜେପି । ଯାହା କାହାରିକୁ ଶୁଭୁନାହିଁ କି ଆମକୁ ଗୃହରେ ଶୁଭିଲାନାହିଁ । ଯଦି କଳାହାଣ୍ଡି ଗସ୍ତ କରିପାରୁଛ ଗୃହକୁ ଆସିବାରେ ଅସୁବିଧା କୋଉଁଠି ବୋଲି ମୁଖ୍ୟମନ୍ତ୍ରୀଙ୍କୁ ଜବାବ ମାଗିଛି ବିଜେପି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
