ଭୁବନେଶ୍ବର: ଗ୍ୟାସ ଦର ବୃଦ୍ଧିକୁ ନେଇ ବିଜେଡି ପ୍ରତିବାଦ କରିବା ଘୋଷଣା ପରେ ପ୍ରତିକ୍ରିୟା ରଖିଲା ବିଜେପି । ରାଜ୍ୟ ବିଜେପି ସାଧାରଣ ସଂପାଦିକା ଲେଖାଶ୍ରୀ ସାମନ୍ତସିଂହାର ପ୍ରତିକ୍ରିୟା ରଖିଛନ୍ତି । ରାଜ୍ୟ ସରକାର ନିଜର ଦୋଷ ଦୁର୍ବଳତା ଘୋଉଡାଇବା ପାଇଁ ହୀନ ରାଜନୀତି କରୁଛନ୍ତି ବୋଲି କହିଛନ୍ତି ।
ରନ୍ଧନ ଗ୍ୟାସ ଦର ବୃଦ୍ଧିକୁ ନେଇ ବିଜେଡିର ପ୍ରତିବାଦ ଡାକରାକୁ ନେଇ ବିଜେପି ନେତ୍ରୀ ଲେଖାଶ୍ରୀ ସାମନ୍ତ ସିଂହାର କହିଛନ୍ତି ଯେ ଆନ୍ତର୍ଜାତିକ ବଜାରରେ ଦର ବୃଦ୍ଧି ଯୋଗୁଁ ଗ୍ୟାସ ଦର ବଢ଼ିଛି । କେନ୍ଦ୍ର ସରକାର ଗ୍ୟାସ ଦର କମାଇବା ପାଇଁ ଚେଷ୍ଟା ଜାରି ରଖିଛନ୍ତି । ତେବେ ବର୍ତ୍ତମାନ ଲୋକେ ଘରେ ଘରେ ହିଟର ବ୍ୟବହାର କରୁଛନ୍ତି । ଲୋକେ ବିଜୁଳି ବିଲ ବଢିବା ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ରାଜ୍ୟ ସରକାର ବିଜୁଳି ଦର କମାନ୍ତୁ ନ ହେଲେ ଆଗକୁ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ଲେଖାଶ୍ରୀ ।
ରାଜ୍ୟରେ ମମିତା ହତ୍ୟାକାଣ୍ଡ, ମାହାଙ୍ଗା ଡବଲ ମର୍ଡର ଓ ପରି ହତ୍ୟାକାଣ୍ଡ ଉପରୁ ନଜର ହଟାଇବା ପାଇଁ କେତେବେଳେ ପେଟ୍ରୋଲ ଦର ତ କେତେ ବେଳେ ଗ୍ୟାସ ଦର ବାହାନା କରି ରାସ୍ତାକୁ ଓହ୍ଲାଉଛି ବିଜେଡି ବୋଲି ଟାର୍ଗେଟ କରିଛନ୍ତି ବିଜେପି । ଏହା ସହ ବିଜେପି ଲୋକଙ୍କ ସହ ରାଜରାସ୍ତାରେ ଛିଡା ହୋଇଥିବା ଯୋଗୁଁ ବିଜେଡି ଲୋକଙ୍କ ସହ ଛିଡା ହେବା ପାଇଁ ବାହାନା ଖୋଜୁଛି । ଏହା ସହ ଆଗକୁ ରାଜ୍ୟରେ ପଞ୍ଚାୟତ ଓ ପୌରନିର୍ବାଚନ ଆସୁଥିବାରୁ ବିଜେଡି ପ୍ରଚାର କରିବା ପାଇଁ ବିଜେଡି ବାହାରିଛି ବୋଲି ଲେଖାଶ୍ରୀ କହିଛନ୍ତି ।
ସୂଚନାଥାଉକି ରନ୍ଧନ ଗ୍ୟାସ ଦର ବୃ୍ଦ୍ଧି ପ୍ରତିବାଦର ବିଜୁ ଯୁବ, ଛାତ୍ର ଓ ମହିଳା ଜନତା ଦଳ ପକ୍ଷରୁ ଆସନ୍ତା ୨୨ରେ କଟକ, ୨୩ରେ ସମ୍ବଲପୁର ଓ ୨୪ ବ୍ରହ୍ମପୁର ଆରଡିସି ଜୋନରେ ଥିବ ସମସ୍ତ ବ୍ଲକରେ ଆନ୍ଦୋଳନ କରାଯିବ ବୋଲି ସାମ୍ବାଦିକ ସମ୍ମୀଳନୀରେ ଯୁବ ବିଜେଡି ସଭାପତି ବ୍ୟୋମକେଶ ରାୟ ସୂଚନା ଦେଇଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ,ଇଟିଭି ଭାରତ
