ଭୁବନେଶ୍ବର: ରାଜ୍ୟରେ ଅହେତୁକ ବିଦ୍ୟୁତ ଦର ବୃଦ୍ଧି ଓ ଅଘୋଷିତ ବିଦ୍ୟୁତ କାଟ ନେଇ ପ୍ରତିବାଦ କଲା ବିଜେପି । ଶୁକ୍ରବାର ବିଜେପି ପକ୍ଷରୁ ଡୁମୁଡୁମା ବିଦ୍ୟୁତ ଅଫିସ ଠାରେ ଆନ୍ଦୋଳନ କରାଯାଇଛି ।
ଗତ 6 ମାସରେ ପାଖାପାଖି ୟୁନିଟ୍ ପିଛା 50 ପଇସା ବୃଦ୍ଧି ପାଇଛି । ତାହା ମଧ୍ୟରେ ପୁଣି ସବୁବେଳେ ଲୋ ଭୋଲ୍ଟେଜ ଏବଂ ବିଦ୍ୟୁତ କାଟ । ଯାହା ସାଧାରଣ ଲୋକଙ୍କୁ ଖୁବ୍ ବ୍ୟତିବ୍ୟସ୍ତ କରିଛି । ଏହି ସମସ୍ୟା ବିଧାନସଭାରେ ଉଠିଲା ହେଲେ ପୁନଃବିଚାର ପାଇଁ କିଛି କରାଗଲା ନାହିଁ । 4 ମାସ ମଧ୍ୟରେ OERCକୁ ଚିଠି ମଧ୍ୟ ଚିଠି ଦିଆଯାଇଛି । ହେଲେ କିଛି ସୁଫଳ ମିଳୁନି ।
ଡୁମୁଡୁମା ବିଦ୍ୟୁତ ଅଫିସ ଆଗରେ ଗର୍ଜିଲା ବିଜେପି
ତେବେ ଗତ କିଛି ବର୍ଷ ଭିତରେ ରାଜ୍ୟ 6 ଟି ବଡ ବଡ ବିପର୍ଯ୍ୟୟର ସାମ୍ନା କରିଛି । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ରାଜ୍ୟକୁ 2 ହଜାର କୋଟି ଟଙ୍କା ପ୍ରଦାନ କରାଯାଇଛି । ତେବେ କେଉଁ କେଉଁ ବାବଦରେ ଏହି ଅର୍ଥ ଖର୍ଚ୍ଚ ହୋଇଛି ରାଜ୍ୟ ସରକାର ତାହାର ଶ୍ୱେତପତ୍ର ପ୍ରକାଶ କରନ୍ତୁ ବୋଲି ବିଜେପି କହିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
