ଭୁବନେଶ୍ବର: ପାଖେଇ ଆସୁଛି ପୌର ନିର୍ବାଚନ । ହାତରେ ମାତ୍ର ଦିନ କେଇଟା । ଏଥିପାଇଁ ଜୋରଦାର ପ୍ରଚାର ଚଳାଇଛନ୍ତି ପ୍ରମୁଖ ରାଜନୈତିକ ଦଳ । ପ୍ରାର୍ଥୀଙ୍କ ପ୍ରଚାର ପ୍ରସାରରେ କମ୍ପୁଛି ରାଜଧାନୀ ଭୁବନେଶ୍ବର । ରାଜଧାନୀର ବିଭିନ୍ନ ୱାର୍ଡରୁ ୱାର୍ଡ ବୁଲି ବୁଲି ପ୍ରଚାର କରିଛନ୍ତି ବିଜେପି ପ୍ରାର୍ଥୀ ଏବଂ ସେମାନଙ୍କ ସମର୍ଥକ । ଏହି କ୍ରମରେ ଆଜି(ଗୁରୁବାର) ଭିଏସଏସ ନଗର 11 ନମ୍ବର ୱାର୍ଡରେ ଘରକୁ ଘର ବୁଲି ଭୋଟ ଭିକ୍ଷା କରିଛନ୍ତି ବିଜେପି ମେୟର ପ୍ରାର୍ଥୀ ।
ବିଜେପି ମେୟର ପ୍ରାର୍ଥୀ ସୁନୀତି ମୁଣ୍ଡଙ୍କ ସହ ବିଜେପି ସାଂସଦ ଅପରାଜିତା ଷଡଙ୍ଗୀ, ରାଜ୍ୟ ବିଜେପି ସଭାପତି ସମୀର ମହାନ୍ତି, ବାବୁ ସିଂଙ୍କ ସମେତ ବହୁ ଦଳୀୟ କର୍ମକର୍ତ୍ତାଙ୍କୁ ନେଇ ବିଶାଳ ବାଇକ ଶୋଭାଯାତ୍ରା କରାଯାଇଛି । ସାଂସଦ ସହ ରାଜ୍ୟ ସଭାପତି ପ୍ରତି ୱାର୍ଡରେ ପ୍ରଚାର କରିଛନ୍ତି । ଅନ୍ୟପଟେ କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ବୁଦ୍ଧ ପାର୍କରେ ନିର୍ବାଚନୀ ପ୍ରଚାର ଚଳାଇଛନ୍ତି । ଦିନ ପାଖେଇ ଆସୁଥିବା ବେଳେ ପ୍ରମୁଖ ତିନି ରାଜନୈତିକ ଦଳ ଜୋରଦାର୍ ପ୍ରଚାରରେ ଲାଗିପଡିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
