ଭୁବନେଶ୍ବର: ବ୍ରଜରାଜନଗର ଉପନିର୍ବାଚନ(Brajarajanagar Bypoll) ପାଇଁ ପ୍ରାର୍ଥୀ ଘୋଷଣା କରିଛି BJP । ରାଧାରାଣୀ ପଣ୍ଡା(Radharani Panda) ହେଲେ ବିଜେପି ପ୍ରାର୍ଥୀ । ବ୍ରଜରାଜନଗରର ପୂର୍ବତନ ବିଧାୟିକା ହେଉଛନ୍ତି ରାଧାରାଣୀ ପଣ୍ଡା । ବିଜେପି କେନ୍ଦ୍ରୀୟ କମିଟି ରାଧାରାଣୀଙ୍କ ନାମରେ ମୋହର ମାରିଛି ।
ଦିବଙ୍ଗତ ବିଧାୟକ କିଶୋର ମହାନ୍ତିଙ୍କ ପରଲୋକ ପରେ ବ୍ରଜରାଜନଗର ଆସନ ଫାଙ୍କା ପଡିଛି । ଗତବର୍ଷ ଡିସେମ୍ବରରେ ହୃଦଘାତରେ କିଶୋରଙ୍କ ଦେହାନ୍ତ ହୋଇଥିଲା । ମେ ୩୧ ତାରିଖରେ ବ୍ରଜରାଜନଗର ଉପନିର୍ବାଚନ ପାଇଁ ପଡିବ ଭୋଟ୍ । ଜୁନ ୩ ତାରିଖରେ ଭୋଟଗଣତି ହେବା ସହ ଫଳାଫଳ ପ୍ରକାଶ ପାଇବ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
