ଭୁବନେଶ୍ବର: ହାତ ଧରିଲେ ବିଭୂତି ମିଶ୍ର । ପଞ୍ଚାୟତ ନିର୍ବାଚନ ପୂର୍ବରୁ ଆରମ୍ଭ ହୋଇଛି ଦଳ ଅଦଳବଦଳ କାର୍ଯ୍ୟକ୍ରମ । କଟକ ଜିଲ୍ଲା ଆଠଗଡ଼ ନିର୍ବାଚନ ମଣ୍ଡଳୀର ଭାରତୀୟ ଜନତା ପାର୍ଟିର ଟାଣୁଆ ନେତା ପଦ୍ମ ଛାଡି ହାତ ଧରିଛନ୍ତି ।
ପଞ୍ଚାୟତ ନିର୍ବାଚନ: କଂଗ୍ରେସରେ ମିଶିଲେ ବିଭୁତି ମିଶ୍ର
ମଙ୍ଗଳବାର ଭୁବନେଶ୍ବର କଂଗ୍ରେସ ଭବନରେ କଂଗ୍ରେସ ପ୍ରଭାରୀ ଚେଲ୍ଲା କୁମାର, ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ପ୍ରଦୀପ ମାଝୀଙ୍କ ଉପସ୍ଥିତିରେ କଂଗ୍ରେସରେ ଆନୁଷ୍ଠାନିକ ଭାବେ ମିଶିଛନ୍ତି ବରିଷ୍ଠ ବିଜେପି ନେତା ବିଭୂତି । ନିଜର ଶତାଧିକ କର୍ମୀଙ୍କ ସହ ଏକ ପଟୁଆରରେ ଆସି କଂଗ୍ରେସ ଭବନରେ ମିଶିଛନ୍ତି ।
ବିଜେପିର ଚିନ୍ତାଧାରା ସମ୍ପୂର୍ଣ୍ଣ ଭିନ୍ନ । ଶାସକ ଦଳ ସହ ମିଶି ବିଜେପି ଚୁପ । ବିଜେପି ବିଜେଡିର ଆଉ ଏକ ଟିମ । ସରକାର ବିରୋଧରେ ଲଢେଇ କରିବାର ମନୋବଳ ବିଜେପି ପାଖରେ ନାହିଁ । ତେଣୁ କର୍ମୀମାନଙ୍କ ସହ ପରାମର୍ଶ କରି ଆଜି କଂଗ୍ରେସର ହାତ ଧରିଛି ବୋଲି କହିଛନ୍ତି ପୂର୍ବତନ ବିଜେପି ନେତା ବିଭୂତି ମିଶ୍ର ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
