ଭୁବନେଶ୍ବର: ପାଟଣାଗଡ ବିଧାୟକଙ୍କ ଦବଙ୍ଗଗିରି ଘଟଣାକୁ ନେଇ ଶାସକ ବିଜେଡିକୁ ପୁଣି ଘେରିଲା ବିଜେପି । ବିଧାୟକଙ୍କ ଗିରଫ ଦାବି କରିବା ସହ ଏପର୍ଯ୍ୟନ୍ତ କାହିଁକି ତାଙ୍କୁ ଗିରଫ କରାଯାଇନି ବୋଲି ପ୍ରଶ୍ନ କରିଛନ୍ତି ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର।
ଏହି ଘଟଣାରେ ମୁଖ୍ୟମନ୍ତ୍ରୀ ଚୁପ୍ ବସିବାକୁ ନେଇ ସେ ପ୍ରଶ୍ନ କରିଛନ୍ତି । ପୋଲିସ ଜାଣିସୁଣି ବିଧାୟକଙ୍କୁ ଘଣ୍ଟ ଘୋଡାଇବା ସହ ବିଧାୟକଙ୍କୁ ବେଲ ମିଳିବା ବାହାନାରେ ଜାଣି ଜାଣି ବିଳମ୍ବ କରୁଛି ବୋଲି ସେ ଅଭିଯୋଗ କରିଛନ୍ତି । ବିଧାୟକ ନିଜେ ଏ ଘଟଣାକୁ ମାନିଛନ୍ତି, ଜିଲ୍ଲାପାଳ ଏ ଘଟଣା ନେଇ ରିପୋର୍ଟ ମଧ୍ୟ ଦେଇ ସାରିଛନ୍ତି। ଏସବୁ ସ୍ବତ୍ତ୍ୱେ ଗୃହ ବିଭାଗର ମୁଖ୍ୟ ହୋଇ ମୁଖ୍ୟମନ୍ତ୍ରୀ କାହିଁକି ମୁହଁ ଖୋଲୁନାହାନ୍ତି ବୋଲି ସେ ପ୍ରଶ୍ନ କରିଛନ୍ତି ।
ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀଙ୍କୁ ଏହି ତମାମ ପ୍ରଶ୍ନକୁ ନେଇ ଘେରିବା ସହ ଖୁବ୍ ବର୍ଷିଛନ୍ତି ଲେଖାଶ୍ରୀ । ବିଧାନସଭା ଅଧିବେସନ ପୂର୍ବରୁ ତାଙ୍କୁ ଗିରଫ କରିବାକୁ ଦାବି କରିଛି ଦଳ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
