ଭୁବନେଶ୍ୱର: ବାତ୍ୟା ଫନି ଆସି ଚାଲିଯାଇଛି, ହେଲେ ଫନି ରାଜନୀତି ଜୋର ଧରିଛି । ବାତ୍ୟା ପରେ ରାଜ୍ୟରେ ହୋଇଥିବା ବ୍ୟାପକ କ୍ଷୟକ୍ଷତିକୁ ନେଇ ହନ୍ତସନ୍ତ ବାତ୍ୟା ବିପନ୍ନ । ଅଚଳ ହୋଇଛି ସବୁ ବ୍ୟବସ୍ଥା । ବାତ୍ୟାର 7 ଦିନ ପେର ବି ରାଜ୍ୟର ଅନେକ ସ୍ଥାନ ଅନ୍ଧାରରେ । ପାନୀୟ ଜଳ, ବିଦ୍ୟୁତ ଯୋଗାଣ ସବୁକିଛି ଠପ ହୋଇଯାଇଛି । ଆଉ ଏଥିପାଇଁ ସରକାରଙ୍କୁ ଘେରିଛନ୍ତି ବିରୋଧୀ ।
ବ୍ୟବସାୟିକ ମନବୃତି ପାଇଁ କାମ ହୋଇପାରୁନି । ରାଜ୍ୟ ସରକାରଙ୍କ ଅପାରଗ ଓ ସ୍ଥାଣୁତା ପାଇଁ 7 ଦିନ ବିତିଥିଲେ ବି ସ୍ବାଭାବିକ ସ୍ଥିତି ଫେରୁନି । ରିଲିଫ ଥଇଥାନ ପୁନରୁଦ୍ଧାର କାର୍ଯ୍ୟ ବି ଠିକ ଭାବେ ହୋଇ ପାରୁ ନଥିବା କହିଛନ୍ତି ବିଜେପିର ବରିଷ୍ଠ ନେତା ବିଜୟ ମହାପାତ୍ର ।
ଅନ୍ୟପଟେ, ବଦ୍ୟୁତ ବିଭାଗରେ କର୍ମଚାରୀଙ୍କ ଅଭାବ ଯୋଗୁଁ ବଦ୍ୟୁତ ସେବା ଯୋଗାଇବାରେ ବିଳମ୍ଭ ହେଉଥିବା ମାନିଛନ୍ତି ଖାଉଟି ଓ ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର । କିନ୍ତୁ ରାଜ୍ୟର ଏଭଳି ବିପତ୍ତି ସମୟରେ ଜଣେ ଦାୟିତ୍ବବାନ ମୁଖ୍ୟମନ୍ତ୍ରୀ ହିସାହରେ ନବୀନ ଖୁବ କମ ସମୟରେ ସବୁ ବ୍ୟବସ୍ଥା କରିପାରି ଥିବାରୁ ଅନେକ ଜୀବନ ବଞ୍ଚି ଯାଇଛି ବୋଲି ସୂର୍ଯ୍ୟ କହିଛନ୍ତି ।
ଭୁବନେଶ୍ୱରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
