ଭୁବନେଶ୍ବର: ଶେଷ ହୋଇଛି ପଞ୍ଚାୟତ ନିର୍ବାଚନ । ଶନିବାରଠାରୁ ଆରମ୍ଭ ହେବ ମତ ଗଣନା । ଏହା ପୂର୍ବରୁ ବିଜୟର ଆକାଳନ କଲେଣି ବିଭିନ୍ନ ରାଜନୈତିକ ଦଳ । ଗତ ନିର୍ବାଚନ ତୁଳନାରେ ଅଧିକ ପାଇବୁ ବୋଲି କହିଛି ବିଜେଡି ।
ବିଜେଡି ଭଲ ପ୍ରଦର୍ଶନ କରିବ: ବିଧାୟକ ଅମର ଶତପଥୀ
ବିଜେଡି ବିଧାୟକ ଅମର ପ୍ରସାଦ ଶତପଥୀ କହିଛନ୍ତି , ପଞ୍ଚାୟତ ନିର୍ବାଚନ ଲାଗି ଲୋକଙ୍କ ଭିତରେ ଆଗ୍ରହ, ଆବେଗ ରହିଛି । ବିଜେଡି ଓ ନବୀନ ପଟ୍ଟନାୟକଙ୍କ ସପକ୍ଷରେ ସକାରାତ୍ମକ ଆବେଗ ହେଉଛି । ଆମର ଜୟ ଯାତ୍ରା ଚାଲିଛି । ଆଗକୁ ବଢିବ । ଚଳିତ ନିର୍ବାଚନ ଲୋକଙ୍କ ଆଭିମୁଖ୍ୟ ଅତି ସ୍ପଷ୍ଟ । ଲୋକଙ୍କ ଆଭିମୁଖ୍ୟ ହେଉଛି ନବୀନ ପଟ୍ଟନାୟକଙ୍କ ଲୋକାଭିମୁଖୀ କାର୍ଯ୍ୟକ୍ରମ, ସ୍ବଚ୍ଛ ଶାସନ ଏବଂ ସର୍ବୋପରି ଅପ୍ରତିଦ୍ବନ୍ଦି ନେତା ।
ଗତ ନିର୍ବାଚନରେ ଯେତିକି ସିଟ ପାଇଥିଲୁ ତା ଠାରୁ ଅଧିକ ସିଟ ପାଇବୁ ବୋଲି ଅମର କହିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
