ଭୁବନେଶ୍ବର: ଆସନ୍ତା 18 ତାରିଖରେ ଅନୁଷ୍ଠିତ ହେବ ରାଷ୍ଟ୍ରପତି ନିର୍ବାଚନ । ଏନେଇ ପ୍ରକ୍ରିୟା ଜୋରଦାର ହୋଇଛି । କେଉଁଭଳି ରାଷ୍ଟ୍ରପତି ନିର୍ବାଚନରେ ଭୋଟ ଦେବେ ସେ ନେଇ ବିଜେଡି ବିଧାୟକ ମାନଙ୍କୁ ବିଧାନସଭାର 54 ନମ୍ବର ପ୍ରକୋଷ୍ଠରେ ଏହି ତାଲିମ ଦିଆଯାଉଛି । ଫୋକୋସରେ ଅଛନ୍ତି ବିଜେଡିର ନୂଆ ଓ ଯୁବ ବିଧାୟକ । ଭୋଟ ଯେମିତି ନାକଚ ହେବନାହିଁ, ସେନେଇ ଦଳର ବରିଷ୍ଠ ବିଧାୟକଙ୍କୁ ତାଲିମ ଦିଆଯାଉଛି । ବିଶେଷ କରି ପ୍ରଥମ ଥର ପାଇଁ ରାଷ୍ଟ୍ରପତି ନିର୍ବାଚନରେ ଭୋଟ ଦେବାକୁ ଯାଉଥିବା ବିଧାୟକ ମାନଙ୍କ ଉପରେ ଅଧିକ ଧ୍ୟାନ ଦିଆଯାଉଛି ।
ବିଜେଡ଼ି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଏହି ତାଲିମ ଦିଆଯାଉଛି । ସେହିପରି ବିଜେପି ବିଧାୟକ ମଧ୍ୟ ସନ୍ଧ୍ୟାରେ ତାଲିମ ନେଉଛନ୍ତି । ରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଦୌପ୍ରଦୀ ମୁର୍ମୁଙ୍କୁ ବିଜେଡି ସମର୍ଥନ ଘୋଷଣା କରିଛନ୍ତି । ଓଡ଼ିଶାର ଆଦିବାସୀ ଝିଅ ହୋଇଥିବାରୁ କିଭଳି ଭାବେ ଓଡିଶାରୁ ଅଧିକ ଭୋଟ ମିଳିବ ସେଥିପାଇଁ ପ୍ରୟାସ ମଧ୍ୟ କରିଛି ବିଜେଡି ।
ଇଟିଭି ଭାରତ, ଭୁବନେଶ୍ବର
