ନୂଆଦିଲ୍ଲୀ: ରାଜ୍ୟସଭାରେ ଉଠିଲା କଳିଙ୍ଗ ରେଜିମେଣ୍ଟ ପ୍ରସଙ୍ଗ । ଭାରତୀୟ ସେନାରେ କଳିଙ୍ଗ ରେଜିମେଣ୍ଟ ଖୋଲିବାକୁ ଦାବି । ବିଜେଡି ସାଂସଦ ସସ୍ମିତ ପାତ୍ର ଏହି ଦାବି ଉଠାଇଲେ ।
ଭିଡିଓ ସୌଜନ୍ୟ: ରାଜ୍ୟସଭା ଟିଭି
ଆଜି ଶୂନ୍ୟକାଳରେ ଏହି ପ୍ରସଙ୍ଗ ଉଠାଇଥିଲେ ସସ୍ମିତ । ଏହି ଅବସରରେ ସେ ପ୍ରତିରକ୍ଷା କ୍ଷେତ୍ରକୁ ରାଜ୍ୟର ଅବଦାନ ବିଷୟରେ ଗୃହରେ ବର୍ଣ୍ଣନା କରିଥିଲେ । ବିଶେଷ କରି କାଲାମ ଦ୍ବୀପ ଏବଂ ବିଭିନ୍ନ କ୍ଷେପଣାସ୍ତ୍ର ନିର୍ମାଣରେ ଓଡିଶାର ଭୂମିକା ବିଷୟରେ ସେ ସୂଚିତ କରିଥିଲେ । ଏହାସହ ସେ ଭାରତୀୟ ସେନାରେ କଳିଙ୍ଗ ରେଜିମେଣ୍ଟ ଖୋଲିବାକୁ ଦାବି କରିଥିଲେ ।
ରାଜ୍ୟସଭା ଅଧ୍ୟକ୍ଷ ଏମ ଭେଙ୍କେୟା ନାଇଡୁଙ୍କ ଦ୍ବାରା ସେ ଏହି ପ୍ରସ୍ତାବ କେନ୍ଦ୍ର ସରକାରଙ୍କ ନିକଟରେ ରଖିଥିଲେ । ଭାରତୀୟ ସେନାରେ କଳିଙ୍ଗ ରେଜିମେଣ୍ଟ ଖୋଲିଲେ ଏହା ରାଜ୍ୟ ପ୍ରତି ଏକ ଗର୍ବ ତଥା ଗୌରବର ବିଷୟ ହେବ । ପୂର୍ବରୁ 2015ରେ ଏହି ଦାବି ପ୍ରଥମେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଠାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
