ଭୁବନେଶ୍ବର: ଧାମନଗର ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା ଶାସକ ବିଜୁ ଜନତା ଦଳ(ବିଜେଡି) । ଭଦ୍ରକ ଜିଲ୍ଲା ତିହିଡି ବ୍ଲକ ଅଧ୍ୟାକ୍ଷା ଥିବା ଅବନ୍ତୀ ଦାସଙ୍କୁ ପ୍ରାର୍ଥୀ ଘୋଷଣା କରିଛି ବିଜେଡି । ଆଜି ଦଳୀୟ ପ୍ରାର୍ଥୀ ନେଇ ଅବନ୍ତୀ ଦାସଙ୍କ ନାକୁ ମୋହର ମାରିଛନ୍ତି ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏନେଇ ବିଜେଡି ପକ୍ଷରୁ ଘୋଷଣା କରାଯାଇଛି ।
ପୂର୍ବତନ ବିଧାୟକ ରାଜେନ୍ଦ୍ର ଦାସ, ମୁକ୍ତିକାନ୍ତ ମଣ୍ଡଳଙ୍କ ସମେତ ଏକାଧିକ ନେତା ପ୍ରାର୍ଥୀ ହେବାକୁ ଆଶା ରଖିଥିଲେ । ହେଲେ ଗୋଷ୍ଠୀ କନ୍ଦଳ ଏଡାଇବା ପାଇଁ ବିଜେଡି ମହିଳା କାର୍ଡ ସହ ଜଣେ ନୂଆ ଚେହେରାଙ୍କୁ ପ୍ରାର୍ଥୀ କରିଛି ଦଳ । ତେବେ ମିଶନ ଶକ୍ତି SHG ରେ ଅବନ୍ତୀ ଦାସଙ୍କର ଦୀର୍ଘ ଅଭିଜ୍ଞତା ରହିଛି ।
ଧାମନଗର ଉପ ନିର୍ବାଚନ ପାଇଁ ଶେଷରେ ବିଜେଡି ପକ୍ଷରୁ ଆଜି ପ୍ରାଥୀ ଘୋଷଣା କରାଯାଇଛି । ଅବନ୍ତୀ ଦାସ ଙ୍କ ପ୍ରାର୍ଥିତ୍ୱକୁ ନେଇ ଆଜି ଦଳ ପକ୍ଷରୁ ମୋହର ମରାଯାଇଛି। ସେ ସଦ୍ୟ ସମାପ୍ତ ପଞ୍ଚାୟତ ନିର୍ବାଚନରେ କାଁପଡା ପଞ୍ଚାୟତ ରୁ ସମିତି ସଭ୍ୟା ଭାବେ ନିର୍ବାଚିତ ହୋଇଥିଲେ । ବିଗତ ପଞ୍ଚାୟତ ନିର୍ବାଚନରେ BJD 15 ଟି ଆସନ, BJP 13 ଟି ଆସନ ଦଖଲ କରିଥିବା ବେଳେ କଂଗ୍ରେସ 3 ଟି ସମିତି ସଭ୍ୟ ଆସନ ଦଖଲ କରିଥିଲା । ପରେ ଅବନ୍ତୀ ତିହିଡ଼ି ବ୍ଳକର ଅଧ୍ୟକ୍ଷା ଭାବେ ତିହିଡ଼ି ବ୍ଳକ ଦାଖଲ କରିଥିଲେ । ତେବେ ସେ ପଞ୍ଚାୟତ ନିର୍ବାଚନରେ 2600 ଭୋଟ ପାଇଥିବା ଜଣାପଡ଼ିଛି।
