ଭୁବନେଶ୍ବର: ବାଜିଲା ବିଜେପୁର ଉପନିର୍ବାଚନ ବିଗୁଲ । ମଇଦାନକୁ ଓହ୍ଲାଇବେ ହେଭିୱେଟ୍ । ରାଜ୍ୟ ଦେଖିବ ଆଉ ଏକ ହାଇଭୋଲଟେଜ ଉପନିର୍ବାଚନ । ନିର୍ବାଚନରେ ଅନ୍ୟଦଳକୁ ମାତ୍ ଦେବା ପାଇଁ ଜୋରଦାର ପ୍ରସ୍ତୁତି ଆରମ୍ଭ କରି ଦେଇଛି ଶାସକ ଦଳ । ଉପନିର୍ବାଚନକୁ ଆଖି ଆଗରେ ରଖି ସୋମବାର ବସିବାକୁ ଯାଉଛି ବୈଠକ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ତୃଣମୂଳ ସ୍ତରରୁ ଆସିଥିବା ରିପୋର୍ଟ ଦଳର ସୁପ୍ରିମୋଙ୍କୁ ଦିଆଯିବ । ଆଗାମୀ ଦିନରେ କ’ଣ ହେବ ଦଳର ରଣନୀତି ଖସଡା ପ୍ରସ୍ତୁତ କରିବ ବିଜେଡି । ନିର୍ବାଚନରେ କାହା ସହ ବୁଝାବଣା କରିବନି ଦଳ । ଏପରିକି ବନ୍ଧୁତ୍ବପୂର୍ଣ୍ଣ ଲଢେଇର ପ୍ରଶ୍ନ ଉଠୁନି ବୋଲି ଦଳର ସାଧାରଣ ସଂପାଦକ ସଞ୍ଜୟ ଦାସବର୍ମା କହିଛନ୍ତି । ସବୁଥର ଭଳି ଏଥର ମଧ୍ୟ ଲଢେଇ ଜୋରଦାର ହେବ ବୋଲି ସେ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
