ଭୁବନେଶ୍ବର: ପୁଣି ଥରେ ବିଜେପୁରରେ ଉପ-ନିର୍ବାଚନ । ୨ ବର୍ଷ ଭିତରେ ୩ ଥର ନିର୍ବାଚନ ଦେଖିବାକୁ ପ୍ରସ୍ତୁତ ହେଉଛନ୍ତି ବିଜେପୁର ବାସୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁର ଆସନ ଛାଡ଼ିବା ପରେ ପୁଣି ଥରେ ଉପନିର୍ବାଚନ ହେବାକୁ ଯାଉଛି । ଏ ନେଇ ଖୁବ ଶୀଘ୍ର ତାରିଖ ଘୋଷଣା ହେବ । ଏଥର ବିଜେପୁରରେ କିଏ ହେବ ପ୍ରାର୍ଥୀ ହେବ କିଏ ଜିତିବ ବିଜେପୁର ସେ ନେଇ ୩ ପ୍ରମୁଖ ଦଳ ବ୍ଲ୍ୟୁ ପ୍ରିଣ୍ଟ ପ୍ରସ୍ତୁତ କରୁଛନ୍ତି ।
ରାଜ୍ୟରେ ଶୋଚନୀୟ ପ୍ରଦର୍ଶନ କରିଥିବା କଂଗ୍ରେସ ବିଜେପୁର ଆସନ ଜିଣିବା ପାଇଁ ଆଶାବାଦୀ ରହିଛି । ଏନେଇ ବରିଷ୍ଠ କଂଗ୍ରେସ ନେତା ତଥା ବଲାଙ୍ଗୀର ବିଧାୟକ କଂଗ୍ରେସ ପୁଣି ଥରେ ଲୋକଙ୍କ ଆସ୍ଥା ଭାଜନ ହେବା ପାଇଁ କଠିନ ପରିଶ୍ରମ କରିବ ବୋଲି କହିଛନ୍ତି । ବିଜେଡି ତୁଳନାରେ ରାଜ୍ୟରେ କଂଗ୍ରେସ ଦୁର୍ବଳ ଅଛି, ମାତ୍ର ବିଜେପୁରରେ ପାରୁ ପର୍ଯ୍ୟନ୍ତ ଚେଷ୍ଟା କରିବ ଦଳ ବୋଲି କହିଛନ୍ତି ନରସିଂହ ମିଶ୍ର । ସେପଟେ ବିଜେପୁର ପାଇଁ ବିଜେଡି ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛି ବୋଲି କହିଛନ୍ତି ଭଟଲି ବିଧାୟକ ତଥା ଶକ୍ତି ଓ ଶ୍ରମ ମନ୍ତ୍ରୀ ସୁଶାନ୍ତ ସିଂହ ।
ବିଜେପୁରରେ ନବୀନ ପଟ୍ଟନାୟକ ଯାହାକୁ ଟିକେଟ ଦେବେ ସେ ଜିତିବେ ବୋଲି କହିଛନ୍ତି ସୁଶାନ୍ତ ସିଂହ । ବିକାଶକୁ ଏଜେଣ୍ଡା କରି ବିଜେପୁର ଦଖଲ କରିବ ବିଜେଡି ବୋଲି ସେ ଦମ୍ଭୋକ୍ତି ପ୍ରକାଶ କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ/ ତପନ କୁମାର ଦାସ, ଇଟିଭି ଭାରତ
