ଭୁବନେଶ୍ବର: ସ୍ମାର୍ଟସିଟିରେ କୋଭିଡ ଟୀକାକରଣ କେନ୍ଦ୍ର ପରିଦର୍ଶନ କଲେ ଭୁବନେଶ୍ବର ସାଂସଦ ଅପରାଜିତା। ଶନିବାର ଭୁବନେଶ୍ବର ସାଂସଦ ତଥା ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ଭୁବନେଶ୍ବର ନିର୍ବାଚନ ମଣ୍ଡଳୀରେ ୱାର୍ଡ ନମ୍ବର -୪୦ ୟୁନିଟ -୧ ବାଳିକା ଉଚ୍ଚ ବିଦ୍ୟାଳୟ ଏବଂ ଉତ୍ତର ନିର୍ବାଚନ ମଣ୍ଡଳୀରେ ୱାର୍ଡ ନମ୍ବର -୧୧ ଭିଏସଏସ ନଗର କଲ୍ୟାଣୀ ମଣ୍ଡପରେ କୋଭିଡ ଟୀକାକରଣ କେନ୍ଦ୍ର ପରିଦର୍ଶନ କରି ବିଭିନ୍ନ ସୁବିଧା ଅସୁବିଧା ବିଷୟରେ ବୁଝିଛନ୍ତି l
ଏହି ଅବସରରେ ସ୍ବାସ୍ଥ୍ୟକର୍ମୀ ଏବଂ ସ୍ଥାନୀୟ ନେତୃବୃନ୍ଦ ଉପସ୍ଥିତ ଥିଲେ l ଜନ ସାଧାରଣଙ୍କ ସୁବିଧା ପାଇଁ ଦଳ ମତ ନିର୍ବିଶେଷରେ ସମସ୍ତେ ମିଳିମିଶି ସହଯୋଗ କରିବା ପାଇଁ ସାଂସଦ ଆଗ୍ରହ କଲେ l ସାଂସଦ ଅପରାଜିତା ଭୁବନେଶ୍ବର ସଂସଦୀୟ କ୍ଷେତ୍ରର ବିଭିନ୍ନ ନିର୍ବାଚନ ମଣ୍ଡଳୀ ବୁଲି ଟୀକାକରଣ କେନ୍ଦ୍ର ପରିଦର୍ଶନ କରିଛନ୍ତି । ପୂର୍ବରୁ ବାଲିପାଟଣା, ଖୋର୍ଦ୍ଧା, ଜଟଣୀ ନିର୍ବାଚନ ମଣ୍ଡଳୀରେ ଟୀକାକରଣ କେନ୍ଦ୍ର ବୁଲିଥିଲେ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
