ଭୁବନେଶ୍ବର: ବିଦାୟ ନେଉଛନ୍ତି ଜଗତ ଜନନୀ ମା’ ଦୁର୍ଗା । ଭାବବିହ୍ବଳ ସହ ଖୁସି ମନରେ ମା’ଙ୍କୁ ମେଲାଣି ଦେଉଛନ୍ତି ରାଜଧାନୀବାସୀ । ଗୋଟିଏ ପରେ ଗୋଟିଏ ପୂଜାମଣ୍ଡପରୁ ବାଜା, ରୋଷଣୀ ସହ ନଦୀପଠା ଆଡକୁ ଯାଉଛନ୍ତି ମା’ । ଏଥିପାଇଁ ଭୁବନେଶ୍ବର ଭସାଣି ଉତ୍ସବ ସମିତି ପକ୍ଷରୁ ବ୍ୟାପକ ପ୍ରସ୍ତୁତି କରାଯାଉଛି ।
ଭିଡିଓ ସୌଜନ୍ୟ-ସମ୍ବାଦଦାତା, ଭୁବନେଶ୍ବର
ରୂପାଲି ସ୍କୋୟାର ସହିଦନଗର ଦୁର୍ଗାପୂଜା ମଣ୍ଡପ ସାମ୍ନାରେ ସମସ୍ତେ ଏକତ୍ରିତ ହୋଇ ରୋଷଣୀ ଆରମ୍ଭ କରିଛନ୍ତି । ବାଜା-ବାଦ୍ୟରେ କମ୍ପୁଛି ପରିବେଶ । ଭଳିକି ଭଳି ଆଲୋକମାଳାରେ ଜଳୁଛି ରାସ୍ତାଘାଟ ।
ଶୋଭାଯାତ୍ରାକୁ ଶୃଙ୍ଖଳିତ କରିବା ପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ରାସ୍ତାର 2 କଡରେ ପୋଲିସ ମୁତୟନ କରାଯାଇଛି ।
ଏହି ଶୋଭାଯାତ୍ରା ବାଣି ବିହାରରୁ ରାଜମହଲ ପର୍ଯନ୍ତ ଜାରି ରହିବ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
