ଭୁବନେଶ୍ବର: କୋଭିଡ-19 ମହାମାରୀ ସମୟରେ ନାଗରିକମାନଙ୍କୁ ସାହାଯ୍ୟ କରିବା ପାଇଁ ଭୁବନେଶ୍ୱର ମ୍ୟୁନସିପାଲିଟି କର୍ପୋରେସନର ପକ୍ଷରୁ 24 ଘଣ୍ଟିଆ ହେଲ୍ପଲାଇନ ନମ୍ବର 1929 ଜାରି କରାଯାଇଥିଲା । ବୁଧବାର ସୁଧା ଏହି ସବୁ କଲ୍ ସେଣ୍ଟରରେ 3 ଲକ୍ଷରୁ ଅଧିକ କଲ ପରିଚାଳନା କରାଯାଇଛି। ଜୁଲାଇ 21 ତାରିଖ ସୁଦ୍ଧା କଲ ସେଣ୍ଟରକୁ ଆସୁଥିବା ଏବଂ ଯାଉଥିବା କଲ୍ ସହିତ ମୋଟ 3 ଲକ୍ଷ 02 ହଜାର 706 କଲ ପରିଚାଳନା କରାଯାଇଛି |
1929 ନମ୍ବରରେ ବର୍ତ୍ତମାନ ସୁଦ୍ଧା 1,21,428ଟି କଲ୍ ଗ୍ରହଣ କରାଯାଇଛି। ଭୁବନେଶ୍ୱରସ୍ଥିତ କାର୍ଯ୍ୟାଳୟରେ ଏହି କଲ ସେଣ୍ଟର କାର୍ଯ୍ୟ କରୁଛି। ଏଠାରୁ 1 ଲକ୍ଷ 81 ହଜାର 278 ଆଉଟ ଗୋଇଙ୍ଗ କଲ ମଧ୍ୟ କରାଯାଇଛି। ଏହିକଲ୍ ସେଣ୍ଟର ଦ୍ବାରା 8 ହଜାର 27 ଜଣ କୋରୋନା ଆକ୍ରାନ୍ତଙ୍କୁ ସହରର ବିଭିନ୍ନ ଉତ୍ସର୍ଗୀକୃତ କୋରୋନା ସେଣ୍ଟରକୁ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି |1929 କଲ ସେଣ୍ଟରରୁ 1 ଲକ୍ଷ 44 ହଜାର 53 କୋରୋନା ଆକ୍ରାନ୍ତଙ୍କୁ ଯୋଗାଯୋଗ କରାଯାଇଥିଲା । ଖାଲି ସେତିକି ନୁହେଁ କଲ ସେଣ୍ଟର କର୍ମକର୍ତ୍ତାମାନେ ଭୁବନେଶ୍ୱରର କୋରୋନା ଟୀକାକରଣ ସ୍ଥିତି ଜାଣିବା ପାଇଁ 28 ହଜାର 561ଟି କଲ୍ କରିଥିଲେ ।
କୋଭିଡ ସେଣ୍ଟର ସମେତ ଟୀକାକରଣ ସମ୍ବନ୍ଧୀୟ ପ୍ରଶ୍ନର ଉତ୍ତର ମଧ୍ୟ ଏହି କଲ ସେଣ୍ଟରେ ଦିଆଯାଇଛି । ଯାହା ଦ୍ବାରା ରାଜଧାନୀବାସୀଙ୍କୁ କିଛି ସୁବିଧା ମିଳି ପାରିଛି । ଏହାଛଡ଼ା ଘରେ ଏକାକୀ ରହୁଥିବା କୋରୋନା ସଂକ୍ରମିତଙ୍କୁ ମଧ୍ୟ ସହାୟତା ଯୋଗାଇ ଦେଇଥିଲା ଏହି କଲ ସେଣ୍ଟର । ବରିଷ୍ଠ ନାଗରିକଙ୍କ ଟିକାକରଣ ପାଇଁ ମଧ୍ୟ ଏହି କଲ ସେଣ୍ଟର ବୃହତ ଅବଦାନ ରହିଛି।
ଭୁବେନେଶ୍ବରୁ ସଞ୍ଜିବ କୁମାର ରାୟ, ଇଟିଭି ଭାରତ
