ଭୁବନେଶ୍ବର: ଐତିହାସିକ କଟକ ବାଲିଯାତ୍ରା ମଙ୍ଗଳବାର ଆରମ୍ଭ ହୋଇଥିବାବେଳେ ରାଜଧାନୀ ଭୁବନେଶ୍ବରରେ ଅନୁଷ୍ଠିତ ଭୁବନେଶ୍ବର ବାଲିଯାତ୍ରା ଆରମ୍ଭ ହୋଇଛି । ଚଳିତ ବର୍ଷକୁ ମିଶାଇ ତୃତୀୟ ଥର ପାଇଁ ଅନୁଷ୍ଠିତ ହୋଇଛି ଏହି ବାଲିଯାତ୍ରା । ରାଜଧାନୀବାସୀ ମଧ୍ୟ ଏବେ ବାଲିଯାତ୍ରାର ମଜା ନେଇପାରିବେ ।
କୁଆଖାଇ ନଦୀ ପଠାରେ ଅନୁଷ୍ଠିତ ଏହି ଭୁବନେଶ୍ବର ବାଲିଯାତ୍ରାରେ ଚଳିତ ବର୍ଷ ପଡିଆରେ 500ଟି ଷ୍ଟଲ ପଡିଥିବାବେଳେ ପ୍ରଥମ ଦିନରେ ପାଖାପାଖି 20ଟି ଷ୍ଟଲ ଖୋଲିଥିଲା । ଆଗାମୀ ଦିନରେ ଏହି ଶୂନ୍ୟତା ଲୋକରଣ୍ୟରେ ପରିଣତ ହେବ ବୋଲି ଆୟୋଜକ ଆଶା ରଖିଛନ୍ତି ।
ଭୁବନେଶ୍ବର ବାଲିଯାତ୍ରାକୁ ମନ୍ତ୍ରୀ ଅଶୋକ ପଣ୍ଡା ଉଦଘାଟନ କରିଥିବା ବେଳେ ଉତ୍ତର ବିଧାୟକ ସୁଶାନ୍ତ ରାଉତ, ବ୍ଲକ ସଭାପତି ଭାଲେଣ୍ଟିନା ରାଉତଙ୍କ ସମତେ ବିଶିଷ୍ଟ ନେତୃବୃନ୍ଦମାନେ ଉପସ୍ଥିତ ଥିଲେ । ମେଳା ପଡିଆରେ ମୀନାବଜାର ସାଙ୍ଗକୁ ବିଭିନ୍ନ ପ୍ରକାର ଦୋଳି ଦର୍ଶକଙ୍କୁ ଆକର୍ଷଣ ରହିଛି। ଚଳିତ ବର୍ଷ ବାଲିଯାତ୍ରାରେ ପ୍ଲାଷ୍ଟିକ ବ୍ୟାନ କରାଯାଇଛି। ଯାହା ପରିବେଶ ସୁରକ୍ଷା ଉପରେ ଅଧିକ ଗୁରୁତ୍ବ ଦେଉଛି ।
ପ୍ରଥମ ବର୍ଷ ୪୦ ଟି ଷ୍ଟଲ ମାଧ୍ୟମରେ ବାଲିଯାତ୍ରା ଆରମ୍ଭ କରାଯାଇଥିଲା। ଦ୍ବିତୀୟ ବର୍ଷ ୩୫୦ ଟି ଏବଂ ଚଳିତ ବର୍ଷ ୫୦୦ଟି ଷ୍ଟଲ ଖୋଲାଯାଇଛି । ଯାହାକୁ ସୁରକ୍ଷା ଦେବାରେ ୨୫୦ ଟି ବିଭିନ୍ନ ଗ୍ରାମର ଯୁବକମାନେ ବିଶେଷ ଭାବରେ ଯୋଗଦାନ କରିଛନ୍ତି।
ସେହିପରି ସୁରକ୍ଷାକୁ ଦୃଷ୍ଟିରେ ରଖି ପୋଲିସ କମିଶନର ଭୁବନେଶ୍ବର ବାଲିଯାତ୍ରା ପାଇଁ ୧୦ ପ୍ଲାଟୁନ ପୋଲିସ ଦେଇଥିବା ବେଳେ ଯୁବପୀଢ଼ିମାନେ ଲୋକମାନଙ୍କ ଉପରେ ନଜର ରଖିବା ସହ ୬ ଟି ୱାଚ କରାଯାଇଛି। ଯଦ୍ବାରା ସମ୍ପୂର୍ଣ ବାଲିଯାତ୍ରା ଉପରେ ତୀକ୍ଷ୍ଣ ନଜର ରଖିପାରିବ ପୋଲିସ । ସେହିପରି ଭୁବନେଶ୍ବର, ପଟିଆ, ବାରଙ୍ଗରୁ ଆସୁଥିବା ଦର୍ଶକ ମାନଙ୍କ ପାଇଁ 5ଟି ସାଇକେଲ ଷ୍ଟାଣ୍ଡର ବ୍ୟବସ୍ଥା କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
